دونالد ترامپ آدمینیستراسییاسی محاربه‌نین اورتاسیندا ایران رسمیلری ایله ایرانلیلارین دپورتاسییاسی ایله باغلی دانیشیق آپاریب.

Axar.az خبر وئریر کی، بو حاق‌دا آسوشیتدپرس آمریکا فدرال محکمه‌سینین سندلرینه استنادلا معلومات یاییب.

معلوماتا گؤره، تهرانا ائدیلن زنگلر سیاحت سندلرینین تامین ائدیلمه‌سی و اونلارین دپورتاسییاسینین یوللارینی تاپماق مقصدی داشیییب.

ایش اوزره حاکم آنا ریس ۱۵ اوکتبردا کئچیریلن دینله‌مه‌ده دپورتاسییا اولونانلارین جدی اؤلوم ریسکی ایله اوزله‌شدیکلری باره‌ده خبردارلیق ائدیب. عدلیه ناظرلیینین وکیلی حکومتین یالنیز قانونی دپورتاسییا قرارلارینی یئرینه یئتیرجه‌یینی بیلدیریب. حاکم حکومته دپورتاسییا پلانلاری حیاتا کئچیریلمزدن اول محکمه‌یه معلومات وئرمه‌یی تاپشیریب.

ایش اوزره ادعاچیلار آمریکا ایممیقراسییا آگئنت‌لیکلرینی ایرانلی سیغیناجاق آختارانلار حاقیندا اسلام رسپوبلیکاسینا مخفی معلومات وئرمک‌ده اتهام ائدیبلر. آمریکا داخیلی تهلوکه‌سیزلیک ناظرلییی ایسه اتهامی رد ائدیب.

یاییم‌لانان ایمیل‌لره گؤره، ایکی طرف ۲۰۲۵-جی ایلین سپتامبر و دسامبر آیلاریندا و ۲۰۲۶-جی ایلین ژانویه آیلاریندا اوچ اوچوشلا ۱۰۰-دن چوخ ایرانلینی گئری قایتارماق اوچون امکداشلیق ائدیبلر.

انسان حقوقلاری فعاللاری خبردارلیق ائدیبلر کی، قاچقینلار و سیاسی مخالیفلرین گئری قایتاریلماسی اونلاری اسلام رسپوبلیکاسینین تهلوکه‌سیزلیک اورگانلاری طرفیندن ساخلانیلما، دیندیریلمه و تعقیب تهلوکه‌سی ایله اوز-اوزه قویور.