روسیا خارجی ایشلر ناظیرلیی ایران اسلام رسپوبلیکاسی اطرافیندا وضعیتین یئنیدن گرگینلشمه‌سی ریسکینین قالماسی ایله علاقه‌دار اؤلکه وطنداشلارینا موقتی اولاراق بو اؤلکه‌یه سفر ائتمکدن چکینمه‌یی مصلحت بیلیب.

Axar.az خبر وئریر کی، بونو روسیا خارجی ایشلر ناظیرلیینین رسمی نماینده‌سی ماریا زاخارووا بریفینگده دئییب.

«ایران اطرافیندا یئنی اسکالاسیا ریسکلری فونوندا روسیا وطنداشلاری اوچون توصیه‌لریمیز اولکی کیمی قوه‌ده‌دیر. وضعیت نظاملانانا قدر، اولکی توصیه‌میزه اویغون اولاراق، هله‌لیک بو اؤلکه‌یه سفر ائتمکدن موقتی چکینمیی مصلحت گؤروروک»، – دئیه او قید ائدیب.

دیپلمات ایران اراضی‌سینده اولان روسیا وطنداشلارینی داها دقتلی اولماغا، انسانلارین کوتلوی توپلاشدیغی یئرلردن، اجتماعی تدبیرلردن، ائلجه ده حربی و دولت اوبیکتلرینین یاخینلیغینداکی اراضیلردن اوزاق دورماغا چاغیریب.

خارجی ایشلر ناظیرلیی نماینده‌سی وضعیتی دقتله ایزلمه‌یین، ایران حاکمیتینین رسمی معلوماتلارینی اساس گؤتورمیین و اونلارین گؤستریشلرینه جدی عمل ائتمیین واجبلیینی وورغولاییب.

او، فوتو و ویدئو چکیلیشلرله باغلی محدودیتلره خصوصی دقت چکیب. زاخارووا کریتیک اهمیتلی نقلیات و انرژی اینفراستروکتورو اوبیکتلرینین، خصوصیله ده حربی اینفراستروکتورون فوتو و ویدئو چکیلیشینین قطعیا توصیه اولونمادیغینی بیلدیریب.