سون گونلر تبریزده یالنیز فوتبول کومانداسی دئییل، گونئی آذربایجانین سسی و ایران‌دا آذربایجان-تورک کیملیینین رمزی اولان "تراکتور" کلوبو اطرافین‌دا ناراحاتلیق دوغوران حادثه‌لر و سس-کوی‌لو قالماقاللار یاشانیر. گؤرونن اودور کی، "تراکتور"اون پارلاق ناعلیتلری، ائلجه ده اونون کئچیردیی اویونلاردا آذربایجان ملی روحو و اراده‌سینین گئتدیکجه داها آیدین و گور ائشیدیله‌ن ایفاده‌سی تهران‌دا بللی دایره‌لری، دقیق دئسک، "ایرانشهری" دوشونجه‌سینین طرفدارلارینی جدی شکیلده ناراحات ائدیر و اونلار بو سسی بوغماق اوچون هر یولا ال آتماغا باشلاییبلار.

Axar.az خبر وئریر کی، بو باره‌ده "آزاد ایران" یوتوب کانالینین یاییملادیغی ویدئوسوژت‌ده دئییلیر.

"ایشین ان پارادوکسال جهتی بودور کی، اؤزلری شووینیزم و پانیرانیزم مرزینه مبتلا اولانلار "تراکتور" آزارکشلرینی پانتورکیزمده و سپارات‌چیلیق‌دا اتهام ائدیرلر. بو میثیل‌سیز حیاسیزلیغا "تراکتور" کلوبونون صاحبی، تبریزلی ایش آدامی محمدرضا زنوزی توتارلی بیر شکیل‌ده جواب وئره‌رک دئییب:

"بیز پانفارسلاری تانیییریق، اما پانتورک یوخوموزدور. مین ایلدیر کی، ایرانی ساخلایان تورکلردیر".

زنوزی منصوب اولدوغو خالقا قارشی تحقیرلره سون قویولماسی اوچون ان رادیکال آددیما دا حاضر اولدوغونو بیلدیره‌رک علاوه ائدیب:

"من تورکلرین و آذربایجانلیلارین سؤیولمه‌سی اوچون پول خرجله‌میرم. بو ایرق‌چی داورانیشلارین جوابی وئریلمیینجه، رسما بیان ائدیره‌م کی، کوماندانی اویونا بوراخمایاجاغام".

"بو، اونو گؤستریر کی، همین پانفارسلارین سایه‌سین‌ده ایران فوتبولو ایدمان اولماق‌دان چیخاراق ائتنیک قارشی‌دورما و ایدئولوژی مباریزه میدانینا چئوریلیب. ان دهشتلی‌سی ایسه، فارس شووینیزمینین تمثیل‌چیلری، نئجه دئیرلر، اؤز آدلارینی "تراکتور" آزارکئشی اولان تورکلره قویماغا، بونونلا ایران‌دا تورکلره قارشی اوزون تاریخه مالیک آیری-سئچکی‌لیک و آشاغیلاما سیاستینه حاق قازاندیرماغا چالیشیرلار. بو ایشده ایران ایدمانینا رهبرلیک ائد‌ن رسمی قوروملارا، او جمله‌دن فوتبول فدراسیاسینا حکومت مئدیاسی و دولت تلویزیاسی دا دستک وئریر"، - دئیه ماتریال‌دا بیلدیریلیب.