ایران پارلامنتینین ملی تهلوکه‌سیزلیک و خارجی سیاست کمیته‌سینین عضوو ابوالفضل زهروند آذربایجان علیه‌اینه نوبتی آچیقلاما وئریب. او، «تحریریه پلاس» یوتوب کانالیندا قوناق اولارکه‌ن، آذربایجانی دا «هدله‌مه‌یی» فرصت بیلیب.

«ایران اونا هجوم ائد‌ن ایسته‌نیله‌ن اؤلکه‌یه او قدر گوجلو جواب وئرجک کی، (او اؤلکه) هئچ واخت اؤزونه گله بیلمه‌یه‌جک» - دئیه‌ن زهروند بونون آردینجا آذربایجانی هدف سئچیب، «باکی ۳-۴ ساعت عرضینده خریطه‌دن سیلینه بیلر، اونا گؤره ده بیزیم یانیمیزدان کئچمه‌مک داها یاخشیدیر».

زهروند ایرانین «راسیونال» حرکت ائتدیینی ده وورغولاییب و بسزلشمیش عرب امیرلیکلری، کویت و یا آذربایجان ایرانا هجوم ائتمه‌یه‌نه قدر اونلارا قارشی هئچ بیر تدبیر گؤرمه‌دیینی بیلدیریب. او، روسیا و چینین ایندی داها آکتیو رول اوینامالی اولدوغونو وورغولاییب، ایران، چین و روسیا آراسیندا بیرگه کوماندانلیغین یارادیلماسینا چاغیریب، ایرانین تهلوکه‌سیزلیینی روسیا و چینله ائینیلشدیریب.

ابوالفضل زهروند کیمدیر؟

البته، ایرانین دپوتاتلاریندان یالنیز بیری اولان ابوالفضل زهروندین قفیلدن آذربایجان آدینی آغزینا آلماسینا لاقید یاناشماق دا اولاردی، هر بیر حالدا بو، رسمی شخصین و یاخود گوج ایستروکتورونون رسمی‌سی دئییل. اما مسئله بوندادیر کی، بو، ابوالفضل زهروندین آذربایجانا قارشی ایلک داورانیشی دئییل.

هله ۲۰۲۲-جی ایلده بو ابوالفضل گؤرون، نه دئییردی:

- آذربایجان دهشتلی فنومندیر و بیزیم اوچون پوتنسیال تهلوکه‌دیر. ناخچیوان تمامیله ایرانا بیرلشدیریلمه‌لیدیر. ناخچیوان بیزیم اوچون «آخیللس دابانیدیر».

- ارمنیلر ایرانین متفیقیدیر. تاریخ بویو همیشه بئله اولوب.

- «آذربایجان» دئیه بیر یئر یوخ‌دور. بونلار دا (آذربایجانلیلار) حقیقتا ده ایران آذریلریدیر. آذربایجان یئنیدن ایرانا بیرلشدیریلمه‌لیدیر. الحاق ائدیلمه‌دیکجه ایرانین باشینا خرچنگ حجیره‌سی کیمی بلا اولاجاقلار.

بو سیتاتلار زهروندین آذربایجانا قارشی چیخیشلاریندان قیسا بیر حصه‌دیر. ۲۰۲۰-جی ایلده آذربایجانین اراضی بوتؤولویونو برپا ائتمه‌سیندن ساریلیق کئچیرن بو شخص اؤلکه‌میزه قارشی دشمن موقعیینی و ارمنیلره قارداشلیغینی ان قاتی دشمن کیمی نمایش ائتدیریب. حتی آذربایجانین اشغالینا چاغیریش ائدیب.

و مسئله بوندادیر کی، زهروند سیرادان ملت وکیلی ده دئییل: او، ایران دیپلماتیدیر و ایرانی ان کریتیک اؤلکه‌لرده - عراقدا و ایتالییدا سفیر کیمی تمثیل ائدیب. دیپلماتین اؤلکه‌سینین قونشوسو اولان آذربایجانا قارشی بو یاناشماسی البته، «تصادفی بوش زوزکلیک» کیمی قبول اولونا بیلمز.

کؤرفز اؤلکه‌لریندن آذربایجانا «آتیلماق»...

زهروندین آرادان کئچه‌ن ۴ ایلده دونیاگؤروشو و یاناشماسی دییشمه‌ییب، چونکی او، محض «آذربایجانا قارشی» یئتیشدیریلمیش محصولدور.

دقت ائدین، ملت وکیلی «بیرلشمیش عرب امیرلکیلری، کویت» آدلارینین آردینجا آذربایجانا کئچید ائدیر.

بیرلشمیش عرب امیرلکیلریده، کویتده آمریکا قوه‌لری یئرلشیر؛ بیرلشمیش عرب امیرلکیلری و کویت ایرانا ضربه‌لر ائندیریلمه‌سی اوچون هوا مکانینی آچمیشدی؛ بیرلشمیش عرب امیرلکیلری و کویت ایرانین جواب ضربه‌لرینه قارشیلیق وئرن اؤلکه‌لردیر.

آذربایجان اراضیسینده هئچ بیر اؤلکه‌نین حربی حصه‌سی، اردوسو، هوا/قورو/دنیز بازاسی یوخدور؛ آذربایجان اراضیسیندن ایرانا قارشی استفاده ائدیلمه‌ییب و بو یؤندن بهتان دولو ادعالاری ایران پرزیدنتی مسعود پزشکیان تکذیب ائدیب، سپاهین کوماندانلیغی ایسه رسمی اولاراق آچیقلاما یایاراق، آذربایجاندان ایران اراضیسینه دوغرو هر هانسی فعالیتین قیده آلینمادیغینی رسما بیان ائدیب.

بس، بو زهروند هانسی سیاسی منتیقله آذربایجانین آدینی کؤرفز اؤلکه‌لرینین سیراسیندا چکیر؟

عکسینه، آذربایجان ایرانین ان آغیر واختلارین‌دا بو اؤلکه‌یه هومانیتار یاردیم گؤندرن ایلک اؤلکه کیمی تاریخه دوشدو. همچنین روسیانین هومانیتار یاردیملارینی دا آذربایجان ایرانا چاتدیردی.

آمریکا عسگرلری آذربایجاندا دئییل، زهروندین «عزیز قارداشی»، «ایرانین تاریخ بویو متفیقی» ارمنستان‌دا یئرلشیب. آنجاق ندنسه زهروند بونو دیلینه آلماغا جسارت ائتمیر و یاخود بو محصول بو حقیقتلری دیله گتیرمک اوچون یئتیشدیریلمه‌ییب.

زهروند ایرانین دشمنلرینه ایشله‌ییر

حاضردا ایران اطرافیندا اولدوقجا معمالی و مرکب اویون گئدیر: آمریکا/اسرائیل هوا ضربه‌لری، ایران هوا مکانینین تام اله کئچیریلمه‌سی، چوخسایلی اوبیکتلرین وورولماسی، عینی زمان‌دا کوتلوی سانکسیالار ایرانین چؤکمه‌سی ایله باغلی گؤزلنتیلری دوغرولتمادی.

بوتون دقت حاضردا ایرانا قارشی قورو عملیاتلارین دستکله‌نمه‌سی استقامتینده‌دیر و بو مقصدله حاضرلانان تله‌لر هم ده آذربایجانلا ایران آراسیندا مناسبتلر اوچون هؤرولور. بو مقام‌دا آذربایجان نیه بو قدر دقتده‌دیر؟

چونکی ایران اهالی‌سینین یارییا قدری آذربایجان تورکودور، عمومی‌لیکده تورکلرین سایی ایسه ایران اهالیسینین یاریدان چوخونو تشکیل ائدیر. آذربایجان تورکلری ایران دولتینین اونورغا سوتونودور، سپاه و ایران اردوسونون یاریسینا آذربایجان تورکلری تشکیل ائدیر؛ آذربایجان تورکلری بو اؤلکه‌نین مین ایللیک تاریخینده مستثنا رول اوینامیشلار و بو اؤلکه‌نی اداره ائتمیشلر.

دیگر طرفدن، آذربایجان رسپوبلیکاسی حاضردا رگیونون آپاریجی اؤلکه‌لریندن بیریدیر و جنوبی قافقازین ان قدرتلی اردوسونا صاحبدیر. خصوصیله اراضی بوتؤولویونو تامین ائتدیکدن سونرا اقتصادی و سیاسی باخیمدان مستقل، اراضی‌سینده هئچ بیر اؤلکه‌نین بازاسی اولمایان آذربایجان رگیونون پارلایان اؤلکه‌سیدیر. ۲۰۲۱-جی ایلده امضالانان شوشا بیاننامه‌سی ایله ناتو-نون ان قدرتلی ایکینجی اردوسونا صاحب تورکیه‌نین چتیری آلتینا کئچه‌ن آذربایجان هم ده نووه اؤلکه‌سی اولان پاکیستانلا حربی-سیاسی اتفاقدادیر. بو قارداشلیغا دایانان اتفاقلار آذربایجانی متفقلری ایله بیرگه اورتا گوج سوییه‌سینه یوکسلدیب.

آذربایجانین هر هانسی تخریباتا چکیلمه‌سی هم ده تورکیه و پاکیستانین مداخله‌سی دئمکدیر و بو سنارینی آرزولایان قوه‌لر دنیادا هئچ ده آز دئییل. محض بو سنارییه گؤره واختاشیری اولاراق آذربایجان اراضی‌سیندن گویا ایرانا قارشی استفاده ائدیلدیینه دایر ادعالار حتی بین‌الخالق مدیادا اورتایا آتیلیر. مقصد آیدیندیر و ایران بو یاناشمالارین فرقینده‌دیر - عکس حالدا، رگیونون ان گوجلو خفیه سیستمینه مالک ایران دا حقیقتلری بیلیر و اونون بیر نئچه گون اؤنجه‌کی فیک-نیوزا رئاکسیاسیزلیغینین سببی ده بودور.

دولاییسی ایله زهروند حاضردا ایرانین دشمنلرینین دییرمانینا سو تؤکمکله مشغولدور. آذربایجانی ایرانین دشمنی و یا پوتنسیال دشمنی کیمی تقدیم ائتمه‌یه چالیشماق و آذربایجانی هده‌له‌مک، سیاسی مناسبتلری گرگینلشدیرمه‌یه چالیشماق قطعیا تهرانین ملی ماراقلارینا جواب وئرمیر.

اونا گؤره ده ایران حاکمیتی اؤزو دیپلماتینا - سابق سفیرینه و حاضیرکی ملت وکیلینه یئرینی گؤسترمه‌لی، اؤلکه‌سینین ملی ماراقلارینا بالتالایان دیللری قیفیللاماغی باجارمالیدیر.