پورتوقالییالی هجوم‌چو کریستیانو رونالدو اسپانیا چمپیوناتینین ایکینجی دیویزیونون‌دا چیخیش ائد‌ن "آلمریا" فوتبول کلوبونون ۲۵% سهملرینین صاحبینه چئوریلیب.

Axar.az خبر وئریر کی، بو باره‌ده رونالدو اؤزو دانیشیب.

«اوزون ایللردیر کی، فوتبول ساحه‌سینده یالنیز میدان‌دا دئییل، عینی زمان‌دا عمومی‌لیکده فوتبولا تحفه وئرمه‌یی آرزولامیشام. "آلمریا" محکم اساسلارا مالک، انکشاف پوتنسیالی آچیق-آشکار اولان اسپانیا کلوبودور. من کلوبون رهبرلیی ایله بیرلیکده ایشله‌یه‌رک اونون نوبتی انکشاف مرحله‌سینی دستکلمه‌یی صبیرسیزلیکله گؤزله‌ییرم»، - رونالدو وورغولاییب.

رونالدو حاضردا ۴۱ یاشین‌دادیر، بئش دفعه چمپیونلار لیگاسینین قالبی، آوروپا چمپیونو، ایکی دفعه ملتلر لیگاسینین غالبی، ملی کوماندالارین، آوروپا چئمپیوناتلارینین، چمپیونلار لیگاسینین و کلوب اوزره دنیا چمپیوناتلارینین تاریخینده ان یاخشی بمباردیردیر.

پورتوقالیالی فوتبولچو بئش دفعه «قیزیل توپ» مکافاتینا لاییق گؤرولوب. ۲۰۲۲-جی ایلین دکابرین‌دا رونالدو سعودیه عربستانینین "النصر" کلوبونا کئچیب.