فیفا ۲۰۲۶-جی ایل دنیا چمپیوناتین‌دا تطبیق ائدیله‌جک یئنی قایدالاری آچیقلاییب.

Axar.az خبر وئریر کی، یئنی قایدالارا اساساً، اویونچولارین عوضلنمه‌سی داها سرعتلی حیاتا کئچیریله‌جک. فوتبولچو ماکسیموم ۱۰ ثانیه عرضینده میدانی ترک ائتمه‌لیدیر. عکس حال‌دا، اونو عوضله‌یه‌جک اویونچو میدانا داخل اولماق اوچون ۱ دقیقه گؤزله‌مه‌لی اولاجاق و کومان‌دا بو مدتده آزلیقدا قالاجاق.

همچنین اویونون برپاسی زمانی دا واخت محدودیتی تطبیق ائدیله‌جک. آوت آتیشلاری و قاپیدان ضربه‌لر ۵ ثانیه عرضینده یئرینه یئتیریلمه‌لیدیر. بو مدت اوزانارسا، توپ رقیب کوماندایا وئریله‌جک.

یئنی‌لیکلره گؤره، میدان‌دا طبی یاردیم آلان فوتبولچو مطلق شکل‌ده میدانی ترک ائد‌جک و گئری قاییتماق اوچون ۱ دقیقه گؤزله‌یه‌جک. لاکن زده ساری و یا قیرمیزی ورقه ایله نتیجه‌لنه‌ن قایدا پوزونتوسو زمانی باش وئررسه، بو، طلب اولونمایاجاق.

بوندان علاوه، وار سیستمینین صلاحیتلری گئنیشله‌ندیریله‌جک. آرتیق وار ایکینجی ساری ورقه نتیجه‌سینده میداندان قووولما اپیزودلارینی و سهو وئریلمیش کونج ضربه‌لرینی ده نظردن کئچیره بیله‌جک. حاکملرله انسیت قایدالارین‌دا دا سرتلشمه اولاجاق. یالنیز کومان‌دا کاپیتانینا حاکمه یاخینلاشماغا اجازه وئریله‌جک. دیگر فوتبولچولارین حاکمی احاطه‌یه آلماسی ساری ورقه ایله جزالاندیریلا بیلر.

قید ائدک کی، آمریکا، کانادا و مکزیکانین بیرگه ائو صاحبلیی ائدجیی دنیا چمپیوناتی ایونون ۱۱-دن ایولون ۱۹-دک کئچیریله‌جک.