«رئال مادرید» و «سویلیا» کوماندالاری آراسیندا کئچیریله‌ن قارشیلاشما مباحثه‌لی حاکم قرارلاری ایله گوندمه گلیب. خصوصیله تورک فوتبولچو آردا گولرین رقیب فوتبولچویا دیرسک ضربه‌سی ائندیرمه‌سیندن سونرا میداندان قوولماماسی «سویلیا» طرفینین جدی ناراضیلیغینا سبب اولوب.

Axar.az خبر وئریر کی، «سویلیا»نین باش مشقچی‌سی لویز گارسیا پلازا حاکملرین همین اپیزوددا دوزگون قرار وئرمه‌دیینی بیلدیریب. اونون فکرینجه، آردا گولر قیرمیزی ورقه ایله جزالاندیریلمالی، مادرید کلوبو ایسه اویونون بؤیوک حصه‌سینی آزلیقدا کئچیرمه‌لی ایدی.

قالماقالی داها دا بؤیودن مقام ایسه همین اپیزوددان آز سونرا آردا گولرین گل وورماسی اولوب. تورکیه‌لی فوتبولچو قارشیلاشمانین ۳۰-جو دقیقه‌سینده حسابی آچاراق «رئال مادرید»ی اؤنه کئچیریب.

قید ائدک کی، قارشیلاشما «رئال مادرید»این ۴:۱ حسابلی غلبه‌سی ایله باشا چاتیب. کیلیان امباپه ایکی دفعه، آردا گولر و یان دیومانده ایسه بیر دفعه فرقله‌نیبلر. «سویلیا»نین یگانه گلونو مانو بونو ووروب.