تبریزین "تراختور" فوتبول کومانداسی ان اؤنملی گؤروشلرین بیرینده تهرانین اؤنده گئدن "ایستیقلال" کومانداسینی مغلوب ائدیب.

ایران اوزره فوتبول کلوبلارینین سوپئر لیقا یاریشلارینین 13-جو هفته سینده کئچیریلن گؤروش، یئرلی واختلا ساعات 16:20-ده تهرانین آزادی ستادیونوندا باش توتوب. گؤروش 2:1 حسابی ایله آذربایجان کومانداسینین خئیرینه سونلانیب.

"تراختورون" قوللارینی فرزاد حاتمی 55 و 68-جی دقیقه لرده، "ایستیقلال" طرفیندن ایسه کاوه رضایی 7-جی دقیقه ده قول وورا بیلیب.

بو غلبه دن سونرا "تراختور" 27 خاللا (ایمتیاز) تورنیر جدولینین 1-جی پیلله سینه یوکسلیب. ایستیقلال ایسه 18 خاللا 7-جی پیلله ده قرارلاشیب.

گؤروشده "ایستیقلال" طرفدارلارینین خوشا گلمز حرکتلری و "تراختور" طرفدارلارینیا نالاییق شوعارلارین وئریلمه سی ایران رسمی کاناللاریندا فوتبول سئورلر طرفیندن جیددی اعتراضلا قارشیلانیب.