ایران فوتبول کلوبلارینین سوپر لیقا یاریشلارینین ۲۸-جی هفته‌سینده تبریزین "تراختور" کومانداسی ایله تهرانین «ایستیقلال» کلوبو قارشیلاشیب.

مساوات. کوم خبر وئریر کی، تبریزین "سهند" ایستادیونوندا باش توتان گؤروش ۱:۰ حسابی ایله آذربایجان کومانداسینین خییرینه یکونلاشیب.

یئرلی کوماندایا قلبه قازاندیران قول اویونون ۸۷-جی دقیقه‌سین‌ده محمد ایبراهیمی طرفیندن وورولوب. بونونلا دا «تراختور» ان و حل ائدیجی گؤروشده قلبه قازاناراق، ۵۳ خاللا تورنیر جدولینین ۲-جی پیلله‌سینه یوکسلیب.

«تراختور»-«ایستیقلال» گؤروشونده تخمیناً ۵۰ مین نفر تاماشاچی قیسمین‌ده ایشتیراک ائدیب.

«تراختور» طرفدارلاری بوندان اؤنجه اعلان ائتدیکلری کیمی، آپرلین ۱۴-ده گونئی آذربایجان شهرلرین‌ده باش وئره‌ن سل فلاکتی و ۱۹۷۹-جو ایل آپرلین ۲۰-ده سولدوزدا آذربایجان اؤولادلارینین ترورچولار طرفیندن اؤلدورولدویو گونون ایلدؤنومو مناسیبتی ایله ایستادیونا قارا گئییملرله گلیب. کوماندا ایسه ییغیلان وسایتین فاجعه‌دن ضرر چکنلره وئریلجیینی آچیقلاییب.

قید ائدک کی، "تراختور"اون بو قراریندان سونرا اویونو جانلی ایزلمک ایمکانی اولمایان تبریزلیلر ده بیلط آلماغا باشلامیشدیلار.