تبریزین «تراختور»اون اؤزل سکتورا اؤتورولمه‌سی مسئله‌سی کلوب رهبرلیگی و کوماندا عضولرینین کلوبا اولان مناسیبتینه تأثیر ائدیب، بو باخیمدان کؤکلو دییشیکلیکلره شاهید اولا بیلریک.

آخار. آذ خبر وئریر کی، یاییلان معلوماتا گؤره، کوماندانین بعضی اویونچولاری و باش مشق‌چی امیر قلعه نویی گله‌جک مؤسوم اوچون باشقا کوماندالارلا مذاکیره‌یه باشلاییبلار.

بعضی منبع‌لر بیلدیریر کی، ا.قلعه نویی «پیکان» و یا «سایپا» کوماندالارینا جلب اولونا بیلر. اصفهانین «سپاهان» کلوبو ایسه حاضیرکی باش مشق‌چی‌سی کرانچارلا رازضیلیغا گله بیلمیجیی تقدیرده ا.قلعه نویییه اوز توتا بیلر.

ایران مطبوعاتیندا یاییلان معلوماتا گؤره، «تراختور»ون اؤزل سکتورا اؤتورولمه‌سی مسئله‌سی امیر قلعه نویینین مؤوقعینه بیرباشا تأثیر ائد‌ن عامل‌دیر. بوتون حاللاردا باش مشقچینین تبریز کومانداسین‌دا قالماسی احتیمالی دا استثنا ائدیلمیر.

«تراختور»ون مشهور برازیلییالی اویونچوسو لوسیانو ادینهو ایسه کوبوکون فینال یاریشینی اوینادیقدان سونرا کوماندادان آیریلاجاغینی اعلان ائدیب. لاکین تبریز کلوبونون ایجراچی دیرکتورو مصطفی آجورلو برازیلییالی اویونچونو کوماندادا ساخلاماغا چالیشیر. او، فوتبول‌چو ایله کلوب آراسیندا اولان مقاویله‌نی اوزاتماق اوچون سونونا قدر جهد گؤسترجیینی بیلدیریب.

قید ائدک کی، «تراختور» کلوبو اویونچو ترانسفری قاداغاسی قراری ایله اوزلشدیی اوچون یئنی اویونچو جلب ائده بیلمز، بو سببدن اؤتن مؤوسومده‌کی اویونچولاری ایله یولا داوام ائتمه‌یه مجبوردور.