ایسپانییا «آتلتیکو»سونون باش مشقچیسی دیگو سیمئونه کومانداسینی اوکتیابرین ۳۱-ده فوتبول اوزره چمپیونلار لیگاسینین ۴-جو تورو چرچیوه‌سینده قبول ائد‌جکلری «قاراباغ» کلوبوندان گیزلتمه‌یه قرار وئریب.

رئپورت خبر وئریر کی، ۴۷ یاشلی متخصص اویون قاباغی سون مشقه ماتچین باش توتاجاغی «متروپولیتانو» ایستادیونوندا چیخماماغی مقصده اویغون ساییب.

مادرید تمثیلچیسی اوکتیابرین ۳۰-دا باکی واختی ایله ساعت ۲۳:۳۰-دا ایستارت گؤتورجک سون حاضرلیق پروسسینی اوولکی ایستادیونوندا - «ویسنته کالدرون»دا گئرچکلشدیرجک. لاکین آرگنتینالی باش مشقچی ماتچدان اول ژورنالیستلرین سواللارینی "آتلتیکو"نون حاضیرکی آرناسی «متروپولیتانو»دا جاوابلاندیراجاق. همچینین، «قاراباغ»این سون مشقی و آغدام کومانداسینین باش مشقچیسی قوربان قوربانووون مطبوعات کنفرانسی دا بو آرئنادا گئرچکلشه‌جک.

«آتلتیکو» سونونجو دفعه "ویسنته کالدرون»دا اؤتن مؤسوم مایین ۲۰-ده «آتلتیک»له لا لیگا ماتچیندا اوز-اوزه گلیب.

قید ائدک کی، "قاراباغ" دا آوروکوبوکلارداکی اکثر ائو اویونلاریندان اول سون مشقلرینی گؤروشون کئچیریلجیی ایستادیونلاردا دئییل، اؤز تعلیم-مشق بازاسیندا کئچیریر. اویون قاباغی مشقلرین ایلک ۱۵ دقیقه‌سی آچیق اولور.