فیفا ۲۰۱۷-جی ایلده فوتبول کلوبلارینین عمومی ترانسفر خرجلرینین ۲۰۱۶-جی ایلله موقاییسه‌ده ۳۲،۷ فایز آرتاراق ۶،۳۷ میلیارد دوللار اولدوغونو آچیقلاییب.

آخار. آذ خبر وئریر کی، عالی فوتبول قورومونون «گلوبال ترانسفر بازاری حساباتی»نا گؤره، اؤتن ایل یانوارین ۱-دن دکابرین ۳۱-دک دونیانین بوتون فوتبول کلوبلاری طرفیندن عمومیلیکده ۱۵ مین ۶۲۴ ترانسفر رئاللاشیب. بو، ۲۰۱۶-جی ایلله موقاییسه‌ده ۶،۸ فایز چوخدور.

دونیا اوزره عمومی ترانسفئر مبلغینین – ۶،۳۷ میلیارد دوللارین ۶۷،۴ فایزی ۱۳ اؤلکه‌ده‌کی ۵۰ کلوبون پایینا دوشور. همچینین ۱۸۱ اؤلکه‌دن ۱۳ مین ۴۱۵ فوتبولچو چیخیش ائتدیی کلوبو یئنی‌سی ایله دییشیب.

حسابات فیفا-یا عضو اولان ۲۱۱ میللی فدراسییانین ترکیبینده‌کی ۷ مین کلوبون تقدیم ائتدیی ترانسفر سیاهی‌سی اساسیندا حاضیرلانیب.