بؤیوک بریتانیا اردوسونون باش قرارگاه رئیسی، گنرال رولی اوکر دنیادا آرتان گئوسیاسی تهلوکه‌لر فونوندا اؤلکه‌نین یاخین گله‌جکده حربچیلرین دؤیوش عملیاتلاریندا اشتراکینا احتیاج دویا بیلجه‌یی باره‌ده خبردارلیق ائدیب.

Axar.az خبر وئریر کی، بو باره‌ده «تلگراف» نشری معلومات یاییب.

گنرال یاخین واختلاردا اؤلکه‌نین سیاسی لیدرلرینین محاربه وضعیتینده طلب اولونا بیله‌جک فداکارلیقلارلا باغلی اجتماعیتله آچیق و صمیمی مذاکره‌لر آپارمالی اولاجاغینی بیلدیریب. اونون سؤزلرینه گؤره، وطنداشلار اردونون اؤلکه‌نین تهلوکه‌سیزلیینین تامین ائدیلمه‌سینده اوینادیغی رولو آنلامالی، مدافعه و تهلوکه‌سیزلیین پریوریتتلشدیریلمه‌سی نامینه معین فداکارلیقلارا حاضر اولمالیدیرلار.

یورکشیرده یئرلشه‌ن کاتتریک حربی قارنیزونونا سفری زمانی تخمیناً ۷۰۰ حربچی قارشی‌سیندا چیخیش ائد‌ن گنرال بؤیوک بریتانیانین یاخین گله‌جکده عسگرلرین دؤیوش عملیاتلاریندا اشتراکینا احتیاج دویا بیلجه‌یینی وورغولاییب: «بلکه ده سیز بونو بیلمیرسینیز، اما اؤلکه‌میزین سیزه احتیاجی اولاجاق».

اوکر قید ائدیب کی، اوللر بریتانیا جمعیتی اردونون محاربه‌ده اشتراک ائتمک مجبوریتینده قالاجاغی بیر دؤور حاقیندا دوشونمک ایسته‌میردی. لاکن حاضیرکی گئوسیاسی وضعیت و دنیادا آرتان تهلوکه‌لر حربی حاضرلیق مسئله‌سینی یئنیدن گوندمه گتیریب.