باش پروکورورلوغون بین‌الخالق آختاریشا وئردیی تورکیه‌نین "شانلی‌اورفا اولای" قزئتینین کؤشه یازاری جلال چیفتچی آذربایجان خالقیندان عذر ایسته‌ییب.

Axar.az خبر وئریر کی، بو باره‌ده او اکس حسابین‌دا یازیب.

"ائتدییم پایلاشیملارین قارداش آذربایجان خالقیندا اینجیکلیک و کدر یاراتماسینا گؤره پشمانام. استفاده ائتدییم ایفاده‌لرین مقصدیمی آشماسینا گؤره آذربایجان دولتیندن و آذربایجان خالقیندان آچیق و صمیمی شکلده عذر ایسته‌ییرم. صمیمی عذرومون قبول ائدیلمه‌سینی حرمتله خواهش ائدیرم.

فکرلریمی چاتدیرارکه‌ن استفاده ائتدییم دیلین دوغورا بیلجه‌یی نتیجه‌لری داها دقتله قیمتله‌ندیرمه‌لی، اؤزومو داها آیدین و احتیاط‌لی شکلده ایفاده ائتمه‌لی ایدیم.

آذربایجانین داخلی ایشلرینه مداخله ائتمک، خالقی دولته قارشی تحریک ائتمک، اؤلکه‌ده قاریشیقلیق یاراتماق، حاکمیتین زورلا اله کئچیریلمه‌سینی و یا کونستیتوسییا قورولوشونون زور گوجونه دییشدیریلمه‌سینی ایسته‌مک کیمی بیر مقصدیم اصلا اولماییب و اولا دا بیلمز. دینی نفرت، دشمنچی‌لیک و یا آیری-سئچکیلیک یاراتماق نیتیم ده یوخدور. منه قارشی ایر‌لی سوروله‌ن بو استقامتده‌کی اتهاملاری قبول ائتمیرم"، - او قید ائدیب.