زلنسکی بیزیمله راضیلاشماق اوچون مناسیب آدام دئییل.

Axar.az خبر وئریر کی بونو آمریکا پرزیدنتی دونالد ترامپ دئییب.

«اونلار زلنسکی ایله باریشمایاجاقلار. او، باریشماق ایستمیر. دئییر کی، باریشماق ایستییر، اما ایستمیر.

زلنسکینین بؤیوک فاناتی دئییلم. اونلار اوکراینانی محو ائدیبلر. من بو یاخینلاردا اوکراینادان اولان گنج بیر قادینین مصاحبه‌سینی ایزلدیم. او دئدی کی، پرزیدنت زلنسکی اؤلکه‌میزی محو ائتدی. پرزیدنت زلنسکی کیشیلریمیزی بیزدن آلدی. کیشیلریمیزین نه آیاقلاری، نه ده قوللاری وار. کیشیلریمیز، بیر چوخ حاللاردا، یا روحی خسته‌خانالاردادیر، یا دا اؤلوبلر.

روسیا نهنگ بیر اؤلکه‌دیر. روسیا بیر میلیون عسگر ایتیره بیلر، اما اونون میلیونلارلا عسگری وار. اوکراینادا بو جور ایشچی قوه‌سی یوخدور»، - او بیلدیریب.