۳+۳ فورماتیندا (آذربایجان، گورجوستان، ارمنستان، روسیا، تورکیه و ایران) نوبتی گؤروش آذربایجاندا کئچیریله بیلر.

Axar.azخبر وئریر کی، بونو روسیا خارجی ایشلر ناظیری سرگی لاوروو باکیدا کئچیریله‌ن آسییادا قارشی‌لیقلی فعالیت و اعتماد تدبیرلری اوزره مشاوره‌نین ساممیتینده اشتراکینین یکونلارینا دایر ژورنالیستلره آچیقلاماسیندا بیلدیریب.

«آذربایجان و تورکیه‌نین تشببوسو ایله یارادیلمیش ۳+۳ فورماتینی قید ائتمک ایستردیم. بو فورماتا آذربایجان، گورجوستان، ارمنستان، روسیا، تورکیه و ایران داخلدیر. بیز بیر نئچه دفعه گؤروشموشوک، حاضردا ارمنستانلا آذربایجانین بو گروپون خارجی ایشلر ناظیرلرینین نوبتی گؤروشونه کیمین ائو صاحبلیی ائدجه‌یی باره‌ده راضیلیغا گلمه‌سینی گؤزله‌ییریک»، - روسیا خارجی ایشلر ناظیرلیی رهبری دئییب.

لاوروو حساب ائدیر کی، نوبتی گؤروش باکی‌دا، اوندان سونراکی گؤروش ایسه ایروان‌دا کئچیریله بیلر:

«دوشونورم کی، یاخینلاشان گؤروشو آذربایجان‌دا، نوبتی‌سینی ایسه ایروان‌دا کئچیرمک ممکوندور. بو، دوزگون اولاردی».

ناظیر وورغولاییب کی، ۳+۳ فورماتی هرطرفلی امکداشلیق پلاتفورماسیدیر و عمومی رگیونال کونتکستدن کناردا حیاتا کئچیریلمه‌سی پلانلاشدیریلان هر هانسی بیر لاییحه ایله محدودلاشمیر:

«آذربایجان و تورکیه‌نین تکلیف ائتدیی ۳+۳ فورماتینی فعال شکلده دستکله‌ییریک».