تورکیه‌نین وطن پارتیاسینین صدری دوغو پرینچک آنکارانین یمنله باغلی سیاستینه گؤره پرزیدنت رجب طیب اردوغان و م.ح.پ صدری دولت باخچالینی هدف آلان بیاناتلار وئریب.

Axar.az خبر وئریر کی، بو باره‌ده پارتیانین گنجلر قولو ساییلان «اؤنجو گنجلیک» رسمی ایکس حسابین‌دا پایلاشیم ائدیب.

پرینچک ادعا ائدیب کی، اردوغان و باخچالینین یمن‌ده‌کی حوثیلره قارشی توتدوقلاری مؤقع اسرائیلین باش ناظری بنیامین نتانیاهونون سیاستی ایله اوست-اوسته دوشور:

«بس اونلار نتانیاهونون قارشی‌سیندا دایانمیشدیلار؟ نتانیاهو ایله محاربه جبهه‌سینده بیرلشمیش وضعیتده‌دیلر. ان واجیب محاربه جبهه‌سی‌دیر. بو عینی زمان‌دا فلسطین و غزه‌یه خیانت ساییلمیرمی؟ یمن اسرائیله قارشی فلسطین و غزه جبهه‌سین‌ده ووروشور. آنجاق جناب اردوغان و باخچالی نتانیاهو ایله بیرگه اسرائیلی دستکلییرلر. سعودیه عربستانینا دستک وئرمک اسرائیله دستک وئرمکدیر. حوثیلر اصلین‌ده یمن حاکمیتی‌دیر، اونلاری لعنتله‌مک نتانیاهونون استفاده ائتدیی کلمه‌لردیر. اونا گؤره ده بو گون آمریکا پرزیدنتی دونالد ترامپین جناب اردوغانی تعریفله‌مه‌سی، تقدیر ائتمه‌سی، مکافاتلاندیرماسی چوخ مایوس ائدیجی بیر وضعیت اولسا دا، تعجبلندیریجی دئییل. اما بونو بوتون تورکیه‌نین گؤرمه‌سی لازیم‌دیر».