آمریکا پرزیدنتی دونالد ترامپ آدمینیستراسییاسی نویابردا کئچیریله‌جک آرالیق سئچکیلر عرفه‌سینده دیزل یاناجاغینین باهالاشماسینین قارشی‌سینی آلماق اوچون روسیا و ایرانلا علاقه‌لی «کؤلگه دونانماسی» تانکرلرینه قویولان محدودیتلری یومشالتماغی نظردن کئچیریر.

Axar.az خبر وئریر کی، بو باره‌ده «فایننشل تایمز» وضعیتله تانیش منبع‌لره استنادلا معلومات یاییب.

«مذاکره اولونان تدبیرلر سانکسیا سیاهی‌سینداکی گمیلرین اعتبارلی آلیجیلارا ساتیلماسینا و اونلارین بین‌الخالق داشیمالار اوچون استفاده‌سینه اجازه وئریلمه‌سینی نظرده توتور. اما تشببوس مباحثه‌لره یول آچیب. علاوه تانکرلرین بازارا قاییتماسی نفت و نفت محصوللارینین داشینما حجمینی آرتیراجاق، یاناجاغین قیمتینین یوکسلمه‌سینه سبب اولان دنیز داشیمالاری اوزره فراخت تاریفه‌لرینی ایسه آزالداجاق»، - معلوماتدا دئییلیب.

قید اولونوب کی، واشینگتنون روسیا یاناجاغینا و نفت، ائلجه ده نفت محصوللارینین داشینماسیندا استفاده اولونان «کؤلگه دونانماسی» تانکرلرینه قارشی محدودیتلری یومشالتماق نیتی آوروپادا ناراحات‌لیق دوغوروب. ایتالیانین باش ناظری جورجیا ملونی ترامپین روسیادان دیزل یاناجاغی آلماق پلانینی تنقید ائد‌رک، بونو چوخ ریسکلی قرار آدلاندیریب. او بیلدیریب کی، بو آددیم اوکرایناداکی محاربه‌نین دایاندیریلماسی اوچون روسیا پرزیدنتی ولادیمیر پوتینه قارشی بین‌الخالق تضییقی ضعیفله‌دیر.