آنا صحیفه ایدمان |
ایران میللی کومانداسی ترکیبینده آسییادا کئچیریلمیش آغیرلیق قالدیرما ایدمان نؤوو اوزره گوموش مکافاتین صاحبی، بلوج ایدمانچی امیر محمد شهنوازی اینستاگرام صحیفهسینده یاشادیغی اؤلکهیه قاییتمایاجاغینی دئییب.
او بیلدیریب کی، اینسانلارین جانینا سوسایان مأمورلارا گؤره ایرانا قاییتمایاجاق.
قید ائتمک لازیمدیر کی، امیر محمد شهنوازی اؤتن ایل بیرلشمیش عرب امیرلیینین ائو صاحبلیگی ایله کئچیریلمیش آغیرلیق قالدیرما اوزره آسییا چمپیوناتیندا ۲-جی یئری قازانمیشدی.
سیستان و بلوجیستان ایالتیندن اولان ایدمانچی اؤلکهدن قاچاق یوللا تورکییهیه، اورادان ایسه فرانسایا سیغیندیغینی دئییب. او، بو آددیمینین سببینی اؤلکهدهکی آغیر وضعیت، ایرقی آیری-سئچکیلیک، ائلجه ده اوغرو و یاریتماز مأمورلارلا علاقلندیریب.
ایدمانچی بیلدیریب کی، بین الخالق یاریشلارا اؤز حسابینا گئدیب. حتی بعضی مقاملاردا یاریش اوچون گئتدیی خاریجی اؤلکهده پولو اولمادیغیندان، گئجهلری کوچهلرده یاتمالی اولوب. ایران دؤولتی اونون هئچ بیر یاریش خرجینی قارشیلاماییب.
دیگر طرفدن، امیر محمد شهنوازی اؤزونه قارشی کسکین ایرقی آیری-سئچکیلییه یول وئریلدیینی دئییب. اونون سؤزلرینه گؤره، یاریشلار زامانی بلوچ میللی گئییمی گئیینمهسی مسئوللار آراسیندا جدی ناراضیلیغا سبب اولوب و بونا گؤره کسکین تهدیدلرله اوزلشیب.
تاریخ
2019.10.18 / 20:44
|
مولف
Axar.az
|