Axar.az
یوخاری
27 یانوار 2020


«تراکتور»اون مشق‌چی‌سی دئنیزلی کومان‌دانی ترک ائتدی

آنا صحیفه ایدمان
12 Punto 14 Punto 16 Punto 18 Punto

گونئی آذربایجانینین ان پوپولیار فوتبول کومان‌داسی «تراکتور»اون تورکییه‌لی مشق‌چی‌سی کومان‌دانین رهبرلیین‌دن چیخیب.

ایرنا خبر آگنتلیینین معلوماتا گؤره، مصطفی دنیزلی کلوبون صاحبی محمدرضا زونوزی و کلوبون باش دیرکتورو غلامرضا صادقییان ایله رضیلاشدیق‌دان سونرا «تراکتور» کومان‌داسینین مشقچیلیینی ترک ائدیب.

ایران ایدمان سایتلاری دنیزلینین کومان‌دادان آیریلما سببینی اونون وئردیی چئمپیونلوق وعدینی یئرینه یئتیرمدیی ایله ایضاح ائدیب. بو ایلین ایون آیین‌دا مصطفی دئنیزلی «تراکتور» فوتبول کمان‌داسینین رهبرلیینی اله آلدیق‌دان سونرا ۱۳-جو هفته‌نین سونون‌دا ۱۸ خال توپلایا بیلمیشدی. آنجاق حال-حاضردا ایران لیگاسین‌دا تراکتور کومان‌داسی ۸-جی یئرده‌دیر.

ایران‌دا ایدمان خبرلرینی یاییملایان وارزسه۳ سایتی یازیب کی، «تراکتور کومان‌داسی آردیجیل اولاراق دؤرد هفته قلبه قازانا بیلمه‌دی. تراکتور طرفدارلاری کومان‌دانین پرفورمان‌سین‌دان نارازی اولسالار دا، کومان‌دانین باش مشق‌چی‌سینه قارشی هئچ بیر شعار سسلندیرمه‌دیلر، آنجاق آزارکئشلرین ناراضی‌لیغی و کمان‌دانین لیگادا ۸-جی پیلله‌یه دوشمه‌سی کلوب رهبرلرینی یئنی قرار وئرمه‌یه مجبور ائتدی.»

همین سایتلارین معلوماتینا گؤره، داها اؤنجه دئنیزلی شخصی سببلردن دولایی کومان‌دا رهبرلیین‌دن آیریلماغی طلب ائتمیشدی.

۶۹ یاش‌لی تانینمیش فوتبول مشق‌چی‌سی داها اؤنجه ایرانین «پئرسپولیس» کمان‌داسینی رهبرلیک ائدیبی، آنجاق ایندییه کیمی ایران‌دا چئمپیون اولماغا نایل اولا بیلمه‌ییب. مصطفی دنیزلی تبریزه ایلک گلدیی زامان هاوا لیمانین‌دا جوشقو ایله قارشیلانمیشدی.
تراکتور کلوبونون رابطه و مئدیا اوفیسی یئنی بیر باش مشق‌چی ایله رازیلاشانا قدر کومان‌دانین رهبرلیینی موقتی اولاراق احد شیخ لاری حیاتا کئچیره‌جک.

تاریخ
2019.12.09 / 16:37
مولف
Axar.az
شرح لر
دیگر خبرلر

ایران خانیم تائکواندوچولارینی تورکییه‌یه گؤندریر

ایرانین آذربایجانلی یگانه قادین اولیمپییا مئدالیستی آلمانییایا کؤچور

آذربایجانین «صبایل» کلوبو ایران‌لی فوتبولچونو هئیتینه قاتدی

«تراختور» برازیلییالی مدافعه‌چی ترانسفر ائده بیلر

کیمیا علی‌زاده آلمانییا بایراغی ایله یاریشاجاق

آسییا چئمپیونلار لیگاسین‌دا ایرانین ائو صاحب‌لیگی لغو ائدیلدی

تورکییه فوتبولونون افسانه‌سی سوروجو ایشلییر - فوتو

«تراختور» «پئرسپولیس»ا خبردارلیق ائتدی

«تراختور» تورکییه‌ده تعلیم-مشق توپلانیشین‌دا ایشتیراک ائتدی

«ماشین‌سازی»نین فوتبول‌چوسو «سومقاییت» کلوبو ایله مقاویله باغلایاجاق

خبر خطّی
 
Axar.az'da reklam Bağla
Reklam
Bize yazin Bağla