اورمیا گؤلونده‌کی سویون حجمی تخمیناً ۴ میلیارد ۲۰ میلیون کوب‌متره چاتیب، بو دا اؤتن ایلین عینی دورو ایله مقایسه‌ده تخمیناً ۲ میلیارد ۸۵۰ میلیون کوب‌متر، جاری سو ایلینین اولی ایله مقایسه‌ده ایسه تخمیناً ۳ میلیارد ۷۴۰ میلیون کوب‌متر آرتیم دئمکدیر.

Axar.az خبر وئریر کی، بونو اورمیا گؤلونون برپاسی قرارگاهینین پلانلاشدیرما و اینتگراسیا اوفیسینین دیرکتورو سعید عیسی پور دئییب.

"سون مونیتورینگ نتیجه‌لرینه گؤره، اورمیا گؤلونون سوییه‌سی ۱۲۷۱،۰۵ متره، سو ساحه‌سی تخمیناً ۳۰۸۰ کوادرات کیلومتره چاتیب"،- او علاوه ائدیب.

آپرل آییندان بری اورمیا گؤلو حوزه‌سینده اورتا یاغینتی مقدارینین تخمیناً ۴۴۰ میلی‌متره چاتدیغینی دئیه‌ن عیسی‌ پور، بونون گؤلون جانلانماسین‌دا خصوصی رول اوینادیغینی بیلدیریب.

قید ائدک کی، اورمیا گؤلونون ماکسیموم توتومو ۳۲، اورتا توتومو ایسه ۱۵ میلیارد کوب‌متردیر.