سون هفته‌لرده سوپئر لیقا یاریشلارین‌دا ضعیف چیخیش ائد‌ن گونئی آذربایجانین «تراختور» فوتبول کلوبون‌دا بؤیوک دییشیک‌لیکلر باش وئریب.

زنوزی ایجراچی دیرکتور پوستونا یئنی شخص تعیین اولونانادک بو وظیفه‌یه میرمعصوم سهرابینی تعیین ائدیب.

ایجراچی دیرکتور ایستعفا وئردیکدن سونرا کلوبون مطبوعات مرکزینین مدیری وحید خوشزر ده توتدوغو وظیفه‌دن آزاد اولونماسی باره‌ده کلوب صاحبینه عریضه تقدیم ائدیب. معلوماتا گؤره، وحید خوشزرین ایستعفاسی دا قبول اولونوب.

صادقییان‌دان ۳ گون اول ایسه کوماندانین تورکییه‌لی باش مشق‌چی‌سی مصطفی دنیزلی توتدوغو وظیفه‌دن اوزاقلاشدیریلمیشدیر. حاضردا «تراختور» کومان‌داسینی موقتی اولاراق احد شیخلاری چالیشدیریر.

آذربایجان کلوبو ایله باغلی داها بؤیوک دییشیکلییه ده ایشاره اولونوب. معلوماتا گؤره، کلوبون صاحبی زنوزی «تراختور» طرفدارلارینین نماینده‌لری ایله تلفن دانیشیغین‌دا یاخین زامان‌دا کلوبو تحویل وئرجیینی بیلدیریب.

«مؤوسومون سونونادک بوتون خرجلری قارشیلایاجام، بوندان سونرا کلوبو اؤزونوزه تحویل وئره‌جه‌م. من عشقیم اولان آذربایجان و «تراختور»آ کوللی مبلغ‌ده وسایت خرجلدییم حالدا قیناق اوبیکتینه چئوریلمکله راضیلاشا بیلمرم.»- دئیه او قید ائدیب.