گونئی آذربایجانین «تراختور» فوتبول کلوبو کئچمیش هجوم‌چوسو آنتونی ایستوکئسی کومان‌دایا جلب ائتمکله باغلی تهرانین «پرسپولیس» کلوبونا خبردارلیق ائدیب.

آخار. آذ خبر وئریر کی، بو باره‌ده آذربایجان کلوبو لیگا تشکیلاتینا مکتوب عنوانلاییب. مکتوب‌دا خاریجی اویونچونون هله‌لیک «تراختور»لا مقاویله‌سی قوه‌ده اولدوغو خاطیرلادیلاراق اونون هانسی‌سا کوماندایا ترانسفر ائدیلمه‌سی باره‌ده ایران کلوبلارینا خبردارلیق ائدیلیب.

ایلک اؤنجه «پرسپولیس» کلوبونا ایشاره اولونان مکتوب‌دا قید ائدیلیب کی، آنتونی ایستوکئسین «تراختور»لا اوچ مؤوسوملوک مقاویله‌سی وار. هله‌لیک مقاویله لغو اولونماییب، فیفا حاضردا بو مسئله‌یه باخیر.

«تراختور» مسئوللاری آنتونی ایستوکئسین هان‌سی‌سا ایران کلوبونا ترانسفر ائدیلمه‌سینه قارشی اولدوقلارینی قید ائد‌رک بو باره‌ده هئچ بیر گذشت اولمایاجاغینی وورغولاییبلار.

سون حیصه‌ده لیقا تشکیلاتیندان مکتوبون صورتینین «پرسپولیس» کلوبونا گؤندریلمه‌سی طلب اولونوب.