تورکییه محکمه‌سینین قراری ایله فئتؤ ترور تشکیلاتینا مالییه یاردیمی گؤسترمکده تقصیرلی بیلینه‌رک، حاقین‌دا حبس جزاسی وئریله‌ن و بوتون املاکی مصادیره ائدیله‌ن هاکان شوکور آمریکادا تاکسی سوروجوسو کیمی فعالیته باشلاییب.

اوزون مدتدیر آمریکادا یاشایان ۴۵ یاشلی کئچمیش فوتبولچونون آچدیغی کافه‌ده "دومبرا" موسیقی‌سی سسلنیب. آلمانییانین "والتآم سوننتاگ" قزئتی بو حادثه‌دن سونرا وتئران فوتبولچونون کافه‌نی باغلادیغینی یازیب.

او، سمارتفون تلفونلارلا ایداره ائدیله‌ن "اوبر" تاکسی شیرکتین‌ده سوروجو کیمی ایشله‌مه‌یه باشلاییب.

هاکان شوکور ۲۰۱۵-جی ایلده آمریکایا کؤچوب. اونون آتاسی سامئت شوکور ساکاریادا داوام ائد‌ن محکمه‌ده گناهلاندیریلیر. سامئت شوکورون بوتون املاکی دوندورولوب.

هاکان شوکور دچ-۲۰۰۲-نین جنوبی کورئیایا قارشی ۳-جو یئر اوغرون‌دا کئچیریله‌ن ماتچین ۱۰،۸-جی ثانییه‌سین‌ده قول وورموش‌دو. تورکییه میللی‌سینین سابیق عضوو بو رئکوردلا تاریخه دوشوب.