گونئی آذربایجانین «تراختور» فوتبول کلوبو بازار گونو تئهرانین آزادی ایستادیونون‌دا «پئرسپولیس»له گؤروش‌ده باش وئره‌ن حادثه‌لرله باغلی بیانات یاییب.

آخار. آز همین بیاناتین متنینی تقدیم ائدیر:

«تأسفلر اولسون کی، «پئرسپولیس»له «تراختور»اون گؤروشون‌ده باش وئره‌ن حادثه‌لر نیفرت یایماق‌دان باشقا هئچنه دئییل‌دی. گؤروشه ائو صاحب‌لیگی ائد‌ن کومان‌دانین ترفدارلاری اویون‌دان سونرا سوسیال شبکه‌لرده تحقیرامیز بیر ویدئو یاییبلار. ترفدارلارین بو درجه‌ده تحقیره یول وئرمه‌سی یئنی حادثه ساییلا بیلر.

اؤلکه اهالی‌سینین بیر قیسمینی کوبود شکیل‌ده آشاغیلاماق بؤیوک تأسف دوغورور. اؤلکه‌نین منافئیینی دوشونه‌ن هئچ کیم قوملرین آشاغیلانماسینا ایجازه وئرمز.

گؤره‌سه‌ن بو حادثه‌لر تبریزده باش وئرسی‌دی، مسئوللار نئجه رئاک‌سییا وئرردی؟ پایتاخت کومان‌دالاری تبریزده اوینادیغی زامان اویون‌دان ایکی گون اول و بیر نئچه هفته سونرا حادثه‌لر ایزلنیلیر. گؤره‌سه‌ن ایندی نیه گؤره سوسوبلار؟

اصلین‌ده ایستادیون‌دا اویون زامانی باش وئره‌نلر، اویون‌دان سونراکی حادثه‌لردن آز دئییل‌دی. حاکم وئردیی یانلیش قرارلاری ایله آزارکئشلر آراسین‌دا چاخناشمانی آرتیرماقلا یاناشی «تراختور» کومان‌داسی و اونون ترفدارلارینین حاقینی تاپدالامیش اولدو.

«تراختور» کلوبو «پئرسپولیس» ترفدارلارینین بو حرکتینی کسکین پیسله‌یه‌رک تحقیره یول وئره‌نلرین قانون چرچیوه‌سین‌ده جزالاندیریلماسینی طلب ائد‌جک.

یئرلی مسئوللار و اؤلکه‌نین رس‌می شخصلرین‌دن آزادی ایستادیونون‌دا باش وئره‌ن حادثه‌لره رئاک‌سییا وئرمه‌لرینی و «تراختور» کلوبونا بو ایستیقامت‌ده یاردیم ائتمه‌لرینی گؤزلییریک.»- دئیه بیاناتین بیر حیسه‌سین‌ده قئید اولونوب.