گونئی آذربایجانین «تراختور» فوتبول کلوبو کومان‌دایا قارشی یول وئریله‌ن آیری-سئچکی‌لیکلره گؤره ایران تله‌رادیو شیرکتینی کسکین تنقید ائد‌رک وضعیتین بئله داوام ائدجیی تقدیرده کومان‌دانین گؤروشلرینین جانلی یاییمینا اجازه وئریلمیجیی باره‌ده خبردارلیق ائدیب.

آخار. آذ خبر وئریر کی، بو باره‌ده کلوبون ریاست هئیتینین رئیسی عباس ایلیاسی ایران تله‌رادیو شیرکتینین رئیسی علی عسگرییه مکتوب عنوانلاییب.

«ایدمان شرح‌چیلری و رئپورتیورلار بوتون قوملره عایید اولان میللی کوتلوی اینفورماسییا واسطه‌سین‌دن سوئ-ایستیفاده ائد‌رک آیری-سئچکی‌لییه یول وئریرلر. خصوصی کومان‌دالار وار کی، اونلار مطبوعات آپارتایدی یارادیب.

ایران تله‌رادیو شیرکتی هئچ بیر قوم و یا شخصه عایید دئییل. نه اوچون رئپورتیورلار و آپاریجیلارین خصوصی کومان‌دالارا دستک وئرمه‌سینه ایجازه وئریلمه‌لی‌دیر؟!

نه اوچون بیزیم و یا دیگر کومان‌دالارین ترفدارلاری اؤز حاقینی طلب ائتدیی زامان تلویزییادا وطنینی ساتماق‌دا گناهلاندیریلمالی‌دیر؟!

بیزیم کلوب و ترفدارلاریمیز حاقلاری تاپدالاندیغی زامان اعتراض بیلدیریر. لاکین بیز بونا گؤره پانتورکیست و بؤلوجو اولماق‌دا اتهام اولونوروق. شوبهه‌سیز کی، بو ایشلر بیزیم اؤز طلبیمیزدن گئری چکیلمییمیزه حسابلانیب.

«تراختور» سون ایکی ایلده آزارکئش سایینا گؤره دونیا اوزره رئکورد ووروب. نه اوچون بو کومان‌دانین اویونلاری پایتاختین ایکی کومان‌داسینین گؤروشلری کیمی ۳-جو تئلئکانال‌دان یاییم‌لانمیر؟! مگر «تراختور»اون ان آزی ۳۰ میلیون طرفداری یوخ‌دور؟! حتی قید ائتمک لازیم‌دیر کی، «تراختور» یئگانه کومان‌دادیر کی، بین الخالق سوییه‌ده طرفدارلاری وار، اونا گؤره ده بو فورصت‌دن اؤلکه اوچون ایستیفاده اولونمالی‌دیر.

آرتیق ۵۰-۶۰ ایل بون‌دان اوولکی دؤور دئییل. او زامان بوتون اؤلکه‌نین اهالی‌سی پایتختین ایکی کومان‌داسینین طرفداری ایدی. داها زامان دییشیب. فوتبول‌دا «تراختور» کیمی یئنی قوتب یارانیب. بو کومان‌دانین حتی دیگر ایکی قوتب‌دن داها چوخ ترفداری وار.

تله‌رادیو شیرکتین‌ده اولدوغو کیمی، فوتبول فدراسییاسین‌دا دا «تراختور»آ قارشی آیری-سئچکی‌لییه یول وئره‌نلر وار. اونلار «تراختور»او بیر قوتب کیمی گؤره بیلمیر و تعصب کئش‌لیک ائد‌رک دیگر کومان‌دالارین حاقینی تاپدالاییرلار.»- دئیه مکتوب‌دا قید اولونوب.