دونیا آتلئتیکا فئدئراسییاسینین سایتی ۲۰۲۰-جی ایلین مارت آیینین سونونا قدر یونگول آتلئتیکا اوزره چئمپیونلارین سون رئیتینق سیرالاماسینی آچیقلاییب.

آخار. آز خبر وئریر کی، فئدئراسییانین آچیقلادیغی سیاهی‌دا تبریز شهرین‌دن اولان آذربایجان‌لی ایدمان‌چی مئه‌دی پیرجاهانین آدی دونیا اوزره بیرینجیلر سیراسین‌دادیر.

رئیتینق جدولین‌ده ایدمان‌چیلارین ووردوغو رئکورد و یاریشلاردا الده ائتدیکلری اوغورلار نظره آلینیب.

مئه‌دی پیرجاهان مانعه‌لری دف ائتمکله ۴۰۰ مئتر مسافه‌نی قاچماق اوزره ۱۲۱۱ خاللا رئیتینق جدولینین ۲۹-جو پیلله‌سین‌ده قرارلاشیب.

شرقی آذربایجان گنجلر و ایدمان ایداره‌سینین ایجتیمایتله علاقه‌لر شعبه‌سینین وئردیی معلوماتا گؤره، آذربایجان‌لی ایدمان‌چی ۲۰۱۹-جو ایلین آوقوست آیین‌دا هیندیستان‌دا کئچیریله‌ن بئینلخالق یاریشلاردا ایران میللی‌سینین رئکوردونو یئنی‌لییب. او مانعه‌لری دف ائتمکله ۴۰۰ مئتر مسافه‌نی ۴۹.۳۳ سانییه‌یه قت ائدیب.