آنا صحیفه ایدمان |
تورکییهده کئچیریلن ایدمان یاریشیندا ایران تمثیلچیسی ایله تورکییه تمثیلچیسی آراسیندا کئچیریلن قارشیلاشما البیاخا داوایا چئوریلیب.
Axar.az خبر وئریر کی، بو بارهده ایدمان مئدیاسی معلومات یاییب.
معلوماتا گؤره، تورکییهده کئچیریلن گولش اوزره ۷۷ کیلوگرم چکی درجهسینده «واهبی عمره» تورنیرینین یاریم فینال گؤروشونده ایرانلی محمدرضا مختاری ایله تورکییهلی گولشچی قارشیلاشیب.
حادثه ایرانلی ایدمانچینین تورکییهلی ایدمانچییا قایدالارا ضد ضربه ائندیرمهسیندن و تورکییهلی ایدمانچینین بونا جواب وئرمهسیندن سونرا باش وئریب.
ایدمانچیلار آراسیندا البیاخا داوا دوشوب، هر ایکی ایدمانچی دیسکوالیفیکاسییا ائدیلیب.
ایران مئدیاسی حاکملرین تورکییهلی ایدمانچینین خیرینه قرار وئردیینی ادعا ائدرک، محمدرضا مختارینین ایدمان قایدالارینا ضد حرکتینه براعت قازاندیرماغا چالیشیب.
بو، ایران مئدیاسی، خصوصاً بیر نئچه تلویزییا کانالیندا تورکییهیه قارشی تبلیغات بهانهسینه چئوریلیب.
تاریخ
2024.03.09 / 16:18
|
مولف
Axar.az
|