«خدافرین» و «قیز قالاسی» بندلری یاخین واختلاردا ایکی اؤلکه پرزیدنتینین اشتراکی ایله آچیلاجاق.

Axar.az خبر وئریر کی، بو باره‌ده ایران تلگرام کاناللاری معلومات یاییب.

خاطیرلاداق کی، آذربایجان رسپوبلیکاسینین پرزیدنتی ایلهام علیئوین ۲۳ فورال ۲۰۲۰-جی ایلده ایران اسلام رسپوبلیکاسینا رسمی سفری زمانی هر ایکی دولت باشچی‌سینین وئردیی تاپشیریغا موافق اولاراق، «آذربایجان رسپوبلیکاسی حکومتی ایله ایران اسلام رسپوبلیکاسی حکومتی آراسیندا آراز چایی اوزرینده «خدافرین» و «قیز قالاسی» هیدروقووشاقلارینین و سو الکتریک استانسییالارینین تیکینتی‌سینین داوام ائتدیریلمه‌سی، استثمار، انرگتیکا و سو احتیاطلاریندان استفاده ساحه‌سینده امکداشلیق حاقیندا» سازشین متنی راضیلاشدیریلیب و امضالانیب.

سازشده آذربایجان رسپوبلیکاسینین و ایران اسلام رسپوبلیکاسینین سووئرنلیی و اراضی بوتؤولویونه حرمت پرینسیپلری بیان ائدیلیب، هر ایکی طرفین «خدافرین» و «قیز قالاسی» هیدروقووشاقلاری بویو بوتون سو و انرژی احتیاطلارینا برابر حقوقلاری وورغولانیب.

«خدافرین» و «قیز قالاسی» بندلری خدافرین سو الکتریک استانسییاسینا عاییددیر.

«خدافرین» و «قیز قالاسی» بندلری و الکتریک استانسییالارینین انشاسی، استثماری حاقیندا مقاوله ایران اسلام رسپوبلیکاسی ایله آذربایجان رسپوبلیکاسی آراسیندا ۱۳ فورال ۲۰۱۶-جی ایل تاریخینده تهراندا امضالانیب و ایکی اؤلکه پارلامنتلری طرفیندن تصدیقلنیب.