ایران فوتبول فدراسییاسی یانوارین ۲۶-دا "تراکتور" و "پرسپولیس" کوماندالارینین تهران‌دا کئچیریله‌ن قارشیلاشماسین‌دا باش وئرنلره گؤره هر ایکی کوماندا باره‌ده جزا قراری چیخاریب.

Axar.az خبر وئریر کی، بو باره‌ده ایران مدیاسی معلومات یاییب.

معلوماتا گؤره، نوبتی موسوم‌ده ایکی کوماندانین قارشیلاشماسی تماشاچیلارسیز کئچیریله‌جک.

همچنین ، فوتبول فدراسییاسی "تراکتور" آزارکئشلرینین "پرسپولیس" آزارکئشلرینه خسارت یئتیردیی ادعاسینا گؤره، تبریز تمثیلچی‌سینین جریمه‌لنمه‌سی باره‌ده ده قرار چیخاریب.

بو، "تراکتور" فوتبول کلوبونون ناراضیلیغی ایله قارشیلاشیب و کلوب فدراسییانین قرارینین عدالتسیز و غرضلی اولدوغونو بیلدیریب.

"تعجیلی طبی یاردیم مرکزینین وئردیی حساباتا گؤره، او گون استادیون‌دا یارالانان ۳۳ نفرین هامی‌سی "تراکتور" آزارکئشلری اولوب. ایران فوتبول فدراسییاسینین چیخاردیغی بو قرار، گله‌جکده اوخشار حادثه‌لرین باش وئرمه‌سینه زمین یارادیر"،- کلوبون یایدیغی بیاناتدا بیلدیریلیب.

قید ائدک کی، یانوارین ۲۶-دا "تراکتور" کومانداسی ایله "پرسپولیس" کومانداسینین قارشیلاشماسی زمانی تهرانلی آزارکئشلر داواملی اولاراق "تراکتور" کومانداسینین اویونچولاری و آذربایجان‌لیلارا قارشی تحقیرامیز و عرقچی شعارلار سسلندیریبلر.

اونلار میدانا یاد جسملر آتیب، تبریز تمثیلچی‌سینین طرفدارلارینا هجوم ائدیبلر و نتیجه‌ده ۳۳ نفر یارالانیب.