تبریزین "تراکتور" فوتبول کومان‌داسینین ایران چمپیونو اولماسی آذربایجان خالقینین و ایران فوتبولونون فخری‌دیر.

Axar.az خبر وئریر کی، بونو ایرانین آذربایجان‌لی فوتبول اولدوزو علی دایی "سیرداش"ا مصاحبه‌سین‌ده دئییب.

"تراکتور" ساده‌جه بیر فوتبول کومانداسی دئییل. "تراکتور" همیشه کومانداسینین آرخاسیندا دوران انسانلارین کیملیینین، غیرتینین و شرفینین تجسمودور. بو ایلکی چمپیونات ایللرله زحمتین و تریبونالاردان ائشیدیلن آلقیشلارین مکافاتیدیر"،- ایران ملی ییغماسینین کئچمیش باش مشقچی‌سی بیلدیریب.

آذربایجان تمثیل‌چی‌سینین غلبه‌سیندن سئویندیینی دئین علی دایی، کومان‌ا عضولرینه، تکنیکی هیئته و کلوب رهبرلیینه چکدیکلری زحمتلره گؤره میننتدارلیق ائدیب.

آذربایجان خالقی ایله درین باغلیلیغینی وورغولایایان اولدوز فوتبولچو، دولاییسی ایله کوماندانی گئج تبریک ائتدیینه گؤره باره‌سینده سسلندیریلن اتهاملارا دا جواب وئریب:

«من آذربایجان اوغلو کیمی اؤزومو بو گونلرده سئویملی خالقیمیزین خوشبختلیینین بیر پارچاسی حساب ائدیره‌م. بو غلبه هامیمیزی سئویندیردی».

قید ائدک کی، مایین ۲-ده "تراکتور"اون "شمس آذر" کومانداسی اوزرین‌ده ۴-۰ غلبه‌سی، تبریز تمثیلچی‌سینین لیگا اویونلارینین بیتمه‌سینه ایکی هفته قالان چمپیون‌لوغونو قطعیلشدیرسه ده، بو رسمی اولاراق "تراکتور"اون مایین ۱۵-ده "استقلال خوزستان" اوزرینده ۳-۱ حسابلی غلبه‌سین‌دن سونرا رسمی اولاراق اعلان ائدیلدی.

علی دایی ایسه "تراکتور"اون چمپیونلوغونون رسمی اعلانیندان سونرا کوماندانی تبریک ائتمه‌سی بعضی آذربایجان‌لیلارین ناراضی‌لیغی ایله قارشیلاشمیشدی.

۲۱ مارت ۱۹۶۹-جو ایلده اردبیل‌ده آنادان اولان علی دایی، فوتبولچو کاریراسینی ۲۰۰۷-جی ایلده بیتیریب. ملی فوتبول کوماندالارینین تاریخی بویو ان چوخ گل ووران اویونچو کیمی تاریخه دوشوب. یونیسف-ین خوشمراملی سفیریدیر.