زنجان شهرین‌دن اولان و بیر مدت اول تضییقلر سببین‌دن ایرانی ترک ائد‌ن قایایادیرمانما و آلپینیزم اوزره تانینمیش ایدمان‌چی الناز رکابی کانادادا مشهور کلوبون باش مشق‌چی‌سی اولوب.

Axar.az خبر وئریر کی، بو باره‌ده اونون باشچیلق ائتدیی "پروگرشن تیم" کلوبو معلومات یاییب.

"الناز رکابی دنیادا قایایادیرمانما اوزره اؤنجول ایدمانچی کیمی بوندان سونرا زنگین تجربه‌لرینی بیزیمله پایلاشاجاق و بو ایدمان ساحه‌سین‌ده یئنی افق‌لر آچاجاق"،- کلوبون پایلاشیمین‌دا بیلدیریلیب.

قید ائدک کی، آذربایجان‌لی ایدمان‌چی مجبوری حجاب قایدالارینا قارشی چیخماسی و قادین حقوقلاری ایله باغلی پایلاشیملارینا گؤره تضییقلره معروض قالدیغی اوچون ۲۰۲۴-جو ایلین نویابر آیین‌دا ایرانی ترک ائدیب.

اونا قارشی تضییقلر ۲۰۲۲-جی ایلده جنوبی کورئیادا کئچیریله‌جه‌ن آسیا چمپیوناتینین فینال مرحله‌سین‌ده حجاب‌سیز اشتراک ائتمه‌سیندن سونرا باشلاییب.

رکابی، اؤلکه‌یه قاییتدیقدان سونرا دیندیریلیب، ایدمان فعالیتینه و یاریشلاردا اشتراکینا محدودیتلر قویولوب.

مسکوادا کئچیریلن دنیا چمپیوناتینین بورونج مکافاتچی‌سی اولان الناز ریکابینین یاریشمالاردا حجابسیز اشتراکی ایله باغلی شکیللرینین یاییلماسی ایران‌لی گنجلر آراسیندا رغبتله قارشیلاشیب.

بو سبب‌دن ده الناز رکابی ۲۰۲۲-جی ایلده بی.بی.سی.نین ترتیب ائتدیی دنیانین ۱۰۰ نفوذلو قادینی سیاهی‌سینا داخیل ائدیلیب.

۲۰۲۵-جی ایلده ایسه زنجان‌لی ایدمان‌چی دنیا قایایادیرمانما فدراسیاسی طرفیندن اولیمپییا اویونلارینا گنج نمونه کیمی تقدیم ائدیلیب.