بین‌الخالق چوگان فدراسییاسینین تشکیلاتچی‌لیغی ایله اییونون ۵-۷-ده پولشادا کئچیریلن چوگان اوزره آوروپا چمپیوناتینین فینال قارشیلاشماسی باش توتوب.

Axar.az خبر وئریر کی، تاریخی نتیجه ایله یاددا قالان یاریشمادا آذربایجان ملی کومانداسی ایلک دفعه آوروپا چمپیونو اولوب.

فینال اویونوندا آذربایجان ییغماسی مالتا کومانداسی ایله قارشیلاشیب و ۶:۲ حسابی ایله ایناملی غلبه قازانیب. بو نتیجه ایله کوماندامیز تورنیرین کوبوکونا صاحب چیخیب و چوگان تاریخینده یئنی بیر صحیفه آچیب.

قید ائدک کی، ایونون ۵-ده استارت گؤتوره‌ن تورنیرده ۶ اؤلکه – آذربایجان، تورکیه، مجارستان، مالتا، پولشا و بؤیوک بریتانیا اشتراک ائدیب.

پوشک‌آتما نتیجه‌سین‌ده آذربایجان ملی کومانداسینین ایلک اویونو تورکیه ییغماسی ایله اولوب و کوماندامیز بو گؤروشدن ۳:۰ حساب‌لی غلبه ایله آیریلیب.

یاریم‌فینال مرحله‌سینده ایسه ملی کوماندامیز مجارستان ییغماسینا قارشی مبارزه‌ده اوستونلویونو داوام ائتدیره‌رک ۴:۰ حسابلی غلبه قازانیب.

بین‌الخالق چوگان تقویمینه اساساً، نوبتی کونتیننتال معتبر یاریشلار سنتیابرین اولینده ازبکستان‌دا آسیا، سنتیابرین سونوندا نیجرییادا آفریکا و نویابر آییندا ایسه بوئنوس-آیرئس‌ده جنوبی آمریکا چمپیوناتلاری کئچیریله‌جک.