برانسون بحرانی تورکییه‌یه ایسپکولیاتیو هوجوم اوچون فورصت گؤزله‌یه‌ن بین الخالق سرمایه‌یه ایستدیی شرایطی یاراتدی.

آخار. آذ خبر وئریر کی، بونو «جمهوریت» قزتینه موصاحیبه‌سینده تورکییه‌لی اقتصادچی باریش سویدان دئییب.

«لیره‌نین گؤزلنیلمه‌دن اوجوزلاشماسینین ایکی سببی وار. بونلار کسکین و ایستروکتور سببلردیر. کسکین سبب آمریکا ایله مؤوجود اولان برانسون بحرانی‌دیر. خرونیک سببلر ایسه جاری کسیر و اینفلیاسییادیر. تورکییه‌نین جاری کسیرینین عومومداخیلی محصولا نیسبتی ۶،۵% میقداریندادیر. بو گؤستریجی ۵%-ی کئچدیکده بحران خبردارلیغی کیمی قبول ائدیلیر. جاری کسیری خاریجدن آلدیغیمیز بورجلا باغلادیغیمیزی بیلمه‌یه‌ن یوخدور. بونون اوزرینه بیر ده اؤزل سکتورون ۳۳۷ میلیارد دوللارلیق بورجونو دا علاوه ائدین. ایستروکتور پروبلملری اولماسایدی، کئشیش برانسون بحرانی لیره‌نین بو قدر اوجوزلاشماسینا سبب اولمازدی. دئمک کی، پروبلم جاری کسیر و اینفلیاسییادیر. جاری کسیر و اینفلیاسییانین آرخاسیندا ایسه اقتصادیاتین حددن آرتیق قیزماسی دایانیر. اقتصادیات قاینادیقدان سونرا داخیلی طلبات و ایدخالات پارتلادی. ایدخالات پارتلایاندا جاری کسیر سرعتله بؤیویور. بس اقتصادیات نیه حددن آرتیق قیزدی؟ اونا گؤره کی، ۲۰۱۷-جی ایل رفرندوموندان اؤنجه پایلانیلان کگف کرئدیتلری و آچیق‌لانان وئرگی ائندیریملری طلباتی آلوولاندیردی. مرکزی بانکین اینفلیاسییاداکی آرتیمی کومپنساسییا ائد‌جک فایز آرتیملارینا گئتمکدن ایمتینا ائتمه‌سی سیتواسییانی داها دا گرگینلشدیردی. فایز آرتمایینجا خاریجی اینوستور اینفلیاسییا اوجباتیندان تورکییه ایستیقراضلاریندان ضرر گؤرمه‌یه باشلادی»، - سویدان بیلدیریب.

اونون سؤزلرینه گؤره، تورکییه یارانان بحرانی آرادان قالدیرماق اوچون معین ایختیصارلارا گئتمه‌لی اولاجاق:

«برانسون بحرانینین دوزلجیینه اومید ائدیره‌م و یا اومید ائتمک ایستییرم. اگر بو پروبلم حل ائدیل‌سه، ایستروکتور پروبلملری ایله قارشی-قارشییا قالاجاغیق. جاری کسیر و اینفلیاسییانی آشاغی سالماق اوچون اقتصادیات سویودولمالیدیر. اقتصادیاتی سویوتماق وئرگی ائندیریملرینی لغو ائتمک و دؤولت خرجلرینی آزالتماق دئمکدیر. بو، همچینین، بؤیوک لاییحه‌لرین دایاندیریلماسی و تأسف کی، یئنی وئرگیلرین قویولماسی ایله موشاهیده ائدیلیر. اوسته‌لیک، تحصیله، صحییه‌یه آیریلان وسایت ده آزالدیلاجاق. یعنی «بوف-سیز (بئینلخالق والیوتا فوندو) بوف پروگرامی» و یا ثابتلیک پروقرامی قاپیمیزین آغزینی کسدیریر. سوال اودور کی، اقتدار یئرلی ایداره ائتمه ایستروکتورلارینا سئچکی عرفه‌سین‌ده بونا گئدرمی؟ منجه، یوخ. اساس سناری‌ده برانسون بحرانی کیمی کسکین پروبلملر حل ائدیلر بیلر، اما کریتیک پروبلملر داوام ائد‌جک. اوپتیمیست سناریده هر ایکی ایستیقامتده پروبلملر حل ائدیله‌جک، پسیمیست سناریده ایسه هر ایکی ایستیقامت‌ده ده آددیملار آتیلمایاجاق.

برانسون بحرانی داوام ائتدیکجه بازارلارداکی غیری-ایستابیللیک و ایسپکولیاتیک هوجوملار داوام ائد‌جک».

اقتصادچی دوللارین باهالاشماسینین تکجه تورکییه ایله باغلی اولمادیغینی، اکثر اینکیشافدا اولان اؤلکه‌لره تأثیر ائدجیینی دئییب:

«لیره‌نین اوجوزلاشماسینین آوروپا و آمریکا بیرژالارینا تأثیرینه گلینجه ایسه بو، درین مسئله‌دیر. آمریکا ۲۰۰۸-جی ایل بحرانینین ۱۹۲۹-جو ایل بحرانینا دؤنمه‌سینین قارشی‌سینی آلماق اوچون آشاغی فایز و اوجوز پول سیاستی یوروتدو. واشینگتن ایندی فایزلری مرحله‌لی شکیلده آرتیراراق، بو سیاستینی بیتیریر. اوجوز پول دؤنه‌مینده تورکییه‌نین ده ایچینده اولدوغو اینکیشاف اولان اؤلکه‌لره آخان ایستی پولون بیر قیسمی آرتیق اؤز ائوینه، یعنی آمریکایا دؤنور. دولایی یوللا، ساده‌جه، تورکییه یوخ، اکثر اینکیشافدا اولان اؤلکه‌لر تهدیدله اوز-اوزدیرلر».