بو، مجبوری کؤچکونلویون کدرلی، نیسگیل‌لی، آنجاق سونو خوشبخت‌لیکله بیته‌ن حکایه‌لریندندیر. لاچین رایونونون میریک کندیندن اولان بالاکیشیئولر عائله‌سینین اشغال‌دان اولکی و غلبه‌دن سونراکی فوتو و ویدئولارینین دیلی، عائله عضولرینین خاطره‌لری ایله جانلاندیریلان بیر حکایه...

Axar.az خبر وئریر کی، ارمنستانین حربی تجاوزو اونلاری داغلار قوینوندا یاشادیقلاری سئوینجلی و برکتلی گونلردن آییریب، چؤللره سالمیش، آغیر شرایط‌ده یاشاماغا مجبور ائتمیشدی.

مظفر آذربایجان اوردوسو دشمنی مغلوب ائدیب تورپاقلاریمیزدان قوودوقدان سونرا میریک کندینده‌کی ائولرینین خارابالیقلاری قالمیش حیاتی بئله بالاکیشیئولر عائله‌سی اوچون کئچمیشین آب-هواسینی یاشادان عزیز بیر مکان‌دیر.

خوش گونلرین قاییدیشی عائله‌نی غرورلاندیریر و تئزلیکله دوغما یورددا یاشایاجاقلارینا اینام یارادیر.

ویدئوچارخ آذربایجان رسپوبلیکاسی قاچقینلارین و مجبوری کؤچکونلرین ایشلری اوزره دولت کمیته‌سینین تشکیلاتچی‌لیغی و لاچین رایونوندا آذربایجان رسپوبلیکاسی پرزیدنتینین خصوصی نمایندلیینین دستیی ایله حاضرلانیب.