جاری هفته‌نین ایلک گونلرین‌دن ایران‌دا دلارین مزه‌ننه‌سی یئنی‌دن ۱۰%-ه قدر باهالاشماغا باشلاییب.

Axar.az خبر وئریر کی، هفته‌نین موختلیف گونلرینده والیوتا بازارلاریندا دلار ۱۳ مین تومنی ده کئچه‌رک، موشتریلره ۱۴ مین تومه‌نه یاخین قیمته تکلیف اولونوب. بو مدت عرضین‌ده اؤلکه‌نین رسمی والیوتا جدوللرینده ده دلارین مزه‌ننه‌سی بو فورمادا گؤستریلیب.

دلارین جاری هفته عرضین‌ده ۱۰% باهالاشماسیندان سونرا ایران مرکزی بانکی بونون سببینین دؤولتین حیاتا کئچیردیی بیر سیرا تدبیرلر اولدوغونو دئییب. مرکزی بانکین دیرکتورو عبدالناصر همتی اؤزونون «اینستاگرام» سوسیال شبکه‌سینده اولان حسابین‌دا بیلدیریب کی، دؤولتین سرحدیانی بؤلگه‌لرده یاشایان وطنداشلار و دنیزچیلرین دیگر اؤلکه‌لرله تیجاری علاقه‌لرین‌ده مؤوجود اولان محدودیتلری آرادان قالدیرماسی ایله باغلی قانون لاییحه‌سینی قبول ائتمه‌سی اؤلکه داخیلینده خاریجی والیوتایا اولان طلاباتی آرتیریب. بو ایسه اؤز نؤوبه‌سینده دلارین قیمتینین آرتماسینا سبب اولوب.