حسن روحانی آدمینیستراسییاسینین ۲ یوکسک وظیفه‌لی شخصی بودجه داخیل اولمالاری و خرجلرینین ۶۲ تریلیون دلار حجمین‌ده آزالدیغینی دئییب.

آخار. آذ خبر وئریر کی، دؤولتین سؤزچوسو علی ربیعینین ایولون ۶-سی ایران قزئتین‌ده چیخان قیدین‌ده بیلدیریلیر کی، دؤولت ایکی موهوم اقتصادی قرار قبول ائدیب. بونلاردان بیری بودجه خرجلرین‌ده قناعت ائدیلمه‌سیدیر. اونون قیدلرینه اساساً، بو ایل بودجه گلیرلری ۴۴۸ تریلیون تومن‌دن ۳۸۶ تریلیونا دوشوب، بو ایسه اؤز نؤوبه‌سین‌ده ۶۲ تریلیون تومن کسر دئمکدیر. بونا گؤره ده، جاری ایلده بودجه خرجلری کسره اویغون اولاراق آزال‌دیلاجاق.

او، ایکینجی قرارین اؤلکه‌یه خاریجی اینوستورلارین جلب ائدیلمه‌سی اولدوغونو دئییب. بئله کی، ایرانین تیکینتی، ایستحصال، کند تصروفاتی و دیگر بو کیمی سکتورلارینا ۲۵۰ مین آورو دیرین‌ده سرمایه قویان خاریجی اینوستورلارا ۵ ایللیک ایران‌دا یاشاما ایجازه‌سی وئریله‌جک. علی ربیینین سؤزلرینه گؤره، دؤولت بو آددیملا خاریجی سرمایه‌چیلری ایران بازارینا جلب ائده بیلجیینی دوشونور.

علی ربیی قیدی زامانی بو ایلین بهار آیلارین‌دا اؤلکه‌نین خاریجه ایدخال ائتدیی غیری-نفت محصوللارینین حجمین‌ده اؤتن ایلین اوخشار دؤورو ایله مقاییسه‌ده ۴۴.۶% آرتیم اولدوغونو ادعا ائدیب. لاکین بو، ایران گؤمروک کمیته‌سینین گؤستریجیلری ایله ضدیت تشکیل ائدیر. بئله کی، ایولون ۷-ده ایستاتیستیک رقملری گؤمروک کمیته‌سین‌دن الده ائدیب، یایینلایان ایران اقتصادی اینکیشاف تشکیلاتینین رهبری محمدرضا مودودی بیلدیریب کی، جاری ایلین باهار فصلین‌ده اؤلکه‌نین عیری-نفت محصوللارینین ایخراجاتینین حجمی ۱۱.۵ میلیارد دلار اولوب، بو ایسه اؤتن ایلله موقایی‌سه‌ده هئچ بیر دییشیکلیین اولمادیغینی گؤستریر. او، همچینین سؤزوگئدن دؤورده ایدخال ائدیله‌ن محصوللارین عمومی دیرینین ۱۰.۲ میلیارد دلار اولدوغونو و بونون دا کئچه‌ن ایلین آنالوژی دؤورونه نیسبتا ۸.۷% آزالما اولدوغونو گؤستردیینی علاوه ائدیب.