لازی‌می شرایط مؤوجود اولدوغو حال‌دا گونئی آذربایجان‌دا بؤلگسل بانکین تاسیس ائدیلمه‌سینه ایمکان وئریلمیر.

آخار. آذ خبر وئریر کی، بونون سببی ایران مرکزی بانکینین راضی‌لیق وئرمه‌مه‌سیدیر.

تبریز تیجارت پالاتاسینین رییسی یونس ژاله مؤوضوع ایله باغلی «انجمن آذربایجان» سایتینا بیلدیریب کی، هله‌لیک مرکزی بانک بؤلگسل بانکین تاسیس ائدیلمه‌سینه راضی‌لیق وئرمه‌ییب.

او یئرلی مسئوللار و یا میللت وکیللرینین سؤزوگئدن بانکین تاسیس ائدیلمه‌سی ایستیقامتین‌ده لوببی‌چیلیک ائتمه‌سی مسئله‌سینه ده توخونوب.

«میلت وکیللرین لوببی‌چی‌لیک ائتمه‌سینه احتیاج یوخدور. بو باره‌ده یالنیز مرکزی بانک قرار وئریر، لاکین هله‌لیک راضی‌لیق وئردیینه دایر هئچ بیر آچیقلاما یوخ‌دور.

بیز آذربایجان‌دا بئله بیر بانکین تاسیس ائدیلمه‌سی ایله باغلی راضی‌لیق وئریلمه‌سینی گؤزلییریک. بو باش وئررسه، بانکین یارادیلماسی اوچون لازیمی شرایط یارادیلاجاق.»- دئیه یونیس ژاله بیلدیریب.