پرزیدنت حسن روحانینین میللی پول واحیدلرین‌دن ۴ صیفیرین سیلینمسیله باغلی قراری قبول ائتمه‌سین‌دن سونرا اونون تصدیقله‌نمک اوچون بو یاخینلاردا میللی مجلیسین موذاکیره‌سینه چیخاریلاجاغی گؤزلنیلیر.

آخار. آذ خبر وئریر کی، ایرانین میللی پول واحیدین‌دن ۴ صیفیرین سیلینمه‌سی و تمنین میللی پول واحیدینه چئوریلمسیله باغلی تکلیفی حکومته جاری ایلین یانوارین ۵-ده میللی بانکینین یئنی صدری عبد الناصیر همتی ایر‌لی سورموش‌دو.

بئله تکلیف ایران ایسلام رسپوبلیکاسی سیاسی سیستمینین تاریخین‌ده اوللر ده ایر‌لی سورولوب. مثلاً علی اکبر هاشی‌می رفسنجانی ایکینجی پرزیدنت‌لیگی دؤورونده (۱۹۹۳-۱۹۹۷) ریالین اؤز دیرینی کسکین ایتیرمه‌سین‌دن سونرا دفعه‌لرله ریالین صیفیرلارینین سیلینمه‌سی مسئله‌سی موذاکیره ائدیلمیشدی. حتی محمود احمدی‌نژادین پرزیدنتلیینین ۲-جی دؤورون‌ده (۲۰۰۹-۲۰۱۳) مرکزی بانک صدر محمود بهمنین باشچیلیغییلا بو مؤوضوعدا خالق آراسین‌دا سورغو کئچیرمک اوچون سایت دا ایشه سالمیشدی.

میللی پول واحیدلرین‌دن صیفیرلارین سیلینمه‌سی سیاستی لیکویدلیین (نغدینگی) و اینفلیاسییانین یوکسلمسیله، منتظم اولاراق پولون دیردن دوشمه‌سی و نتیجه‌ده اونون صیفیرلارینین آرتماسین‌دان سونرا حیاتا کئچیریلیر.