باخمایاراق کی، ایران‌دا هر اؤتن گون اهالینین اقتصادی وضعیتی داها دا آغیرلاشیر، دؤولتین سؤزچوسو علی ربیعی آوقوستون ۴-ده ۵ میلیون نفرین معاوینت آلان وطنداشلار سیاهی‌سین‌دان چیخاریلدیغینی دئییب.

آخار. آذ خبر وئریر کی، او، اؤتن ۳ نوبت عرضین‌ده معاوینت آلان وطنداشلار حاقین‌دا آرادیرمالارین آپاریلدیغینی و بونون نتیجه‌سین‌ده ده اکثریتین گلیرلری چوخ اولان شخصلر اولدوغونو دئییب. سؤزچونون سؤزلرینه گؤره، همین اینسانلارین آدلاری سیاهی‌دان چیخاریلیب.

علی ربیعی علاوه ائدیب کی، حاضردا دا بو آراشدیرمالار داوام ائدیر و گلیرلری یوکسک اولانلار سیاهی‌دان سیلینه‌جک. عینی زامان‌دا، او، هان‌سی کاتئگورییادان اولان اینسانلارین گلیرلری یوکسک اولان شخصلر حساب ائدیلدیینی آچیقلاماییب.