ایرانین شیمالین‌دا یئرلشن گیلان ویلایتینده رشت-انزلی-آستارا دمیر یولونون چکیلمه‌سی ایله پراکتیکی اولاراق ایران آذربایجانا و بو واسطه ایله آوروپایا بیرلشه‌جک.

ترند-این معلوماتینا گؤره، بونو ایران پارلامنتینین آبادلیق کمیسییاسینین عضوو حسین افضلی پارلامنتین اینفورماسییا پورتالینا (ایکانا) وئردیی آچیقلامادا دئییب.

افضلینین سؤزلرینه گؤره، رشت-انزلی-آستارا دمیریولونون چکیلمه‌سی چوخ اهمیت‌لی‌دیر.

افضلی علاوه ائدیب کی، آذربایجان رشت-انزلی-آستارا دمیریولونون چکیلمه‌سی ایله باغلی اینوستیسییاسینین یاریسینی تعمین ائد‌جک. بو ایسه دمیریولونون چکیلمه‌سی پروسسینی داها دا سرعتلندیره‌جک: «بو دمیریولو شیمال-جنوب دهلیزینین تکمیللشدیریلمه‌سینده و ایرانین اقتصادی اینکیشافین‌دا چوخ ضروری‌دیر. بو ایستیقامت‌ده حکومت و پارلامنت دقیق پروگرام تنظیمله‌مه‌لی و بؤیوک اینوستیسییانی نظرده توتمالیدیر».

ایران‌لی پارلامنتاری بیلدیریب کی، بو دمیریولونون فعالیته باشلاماسی ایله خزر دنیزی پراکتیکی اولاراق فارس کؤرفزینه بیرلشه‌جک.