ائولی‌لیک کرئدیتی آلان گنجلر همین مبلغی قایتارا بیلمیرلر.

آذنیوز. تی وی خبر وئریر کی، بو سؤزلری ایدمان و گنجلر ناظیرلیینین گنجلر اوزره موعاوینی محمد حسن تندگویان دئییب.

او بیلدیریب کی، کرئدیت مبلغی‌نین آرتیریلماسی ائوله‌نه‌نلرین سایینا موثبت تأثیر گؤسترمه‌یه‌جک.

«گنجلرین بیر چوخو کرئدیتی قایتارا بیلمه‌دیکلرینی بیلدیریبلر. یئنی عائله قوران گنجلر ایشسیزلیک‌دن و کیرایه ائولرده یاشاماق‌دان اذیت چکیر. بونا گؤره ده هر آی ۱ میلیون تومن کرئدیتی اؤد‌ه‌مک ایمکانلاری یوخ‌دور. دؤولت اوجوز قیمته ائو صاحبی اولماق‌دان سؤز آچدی. لاکین بو باره‌ده هئچ بیر آددیم آتیلماییب. دؤولتین «مسکن مهر» لاییحه‌سی ده بیر چوخ یئرده طلبلره جاواب وئرمه‌دی. یا باها قیمت طلب اولون‌دو، یا دا یاشاییش ایمکانی اولمایان یئرده تیکیلدی. بیر ائو ۹، یا ۱۰ میلیونا تیکیله‌جک دئسه‌لر ده، بزن ۱۰۰ میلیون تومن ده طلب ائدیلیب»، – دئیه، محمد حسن تندگویان بیلدیریب.