آنا صحیفه ایقتیصادیات |
ایران ایله آذربایجان سیغورتا ساحهسینده امکداشلیق علاقهلرینی گئنیشلهندیرهجک و بیرگه اینوئستیسییا فوندو یاراداجاقلار.
آخار. آذ خبر وئریر کی، بو سؤزلری ایرانین اقتصادی ایشلر و مالییه ناظری فرهاد دژپسند مطبوعاتا وئردییی آچیقلاماسیندا دئییب.
ناظر بیلدیریب کی، بو گون ایران ایله آذربایجانین موناسیبتلری یوکسهلن خط له اینکیشاف ائدیر. هر ایکی اؤلکهنین اقتصادی پوتنسیالی داها گئنیش علاقهلرین قورولماسی اوچون ایمکان یارادیر.
او دقته چاتدیریب کی، سیغورتا ساحهسینده امکداشلیق علاقهلرینین قورولماسی وطنداشلارین و شیرکتلرین ایش قورماق ایستکلرینه کؤمکلیک گؤسترهجک. اونلارین املاکی و مالییه وسایتلرینه دؤولتلر زمانت وئرهجک. بو ایسه قارشیلیقلی سرمایهلرین قویولوشونو آرتیراجاق.
ف. دژپسند نقلیات ساحهسینده امکداشلیغین داوام ائتدیینی وورغولاییب. قید ائدیب کی، «شیمال-جنوب» بین الخالق نقلیات دهلیزینین اساس کومپونئنتی اولان قزوین-رشت-آستارا (ایران)-آستارا (آذربایجان) دمیر یولونون چکیلیشی داوام ائدیر. بو یولون قزوین-رشت حیسهسی ایستیسمارا بوراخیلیب. رشت-آستارا حیسهسینده ایسه ایشلر داوام ائدیر.
اونون سؤزلرینه گؤره، قارشیداکی ایکی ایلده رشت-آستارا یولونون تیکینتیسی باشا چاتاجاق و ایران ایله آذربایجانین دمیر یوللاری سیستملری بیرلشهجک. بو دمیر یولونون ایستیفادهیه وئریلمهسی ایله هر ایکی اؤلکهنین غیری-نفت سئکتورونون اینکیشافینا اساسلی تکان وئریلهجک.
ایرانلی ناظر اونو دا بیلدیریب کی، دؤولتلر آراسیندا بیرگه بین الخالق اینوئستیسییا فوندونون یارادیلماسی مسئلهسی ده موذاکیره ائدیلیر.
تاریخ
2019.08.10 / 09:39
|
مولف
Axar.az
|