شرقی آذربایجان مدنی ثروتینی خام ساتمایاجاق.

آخار. آذ خبر وئریر کی، بو باره‌ده شرقی آذربایجان صنعت، معدن و تیجارت ایداراسینین یئنی رئیسی حبیب امین‌زاده معلومات وئریب.

اونون سؤزلرینه گؤره، شرقی آذربایجان‌دا اؤلکه‌ده‌کی فلز معدنلرینه صاحب اولان ویلایتلر آراسین‌دا اوچونجودور. لاکین معدنلر ایستیخراج اولونسا دا، خام ساتیلیر.

«سارابین نفلین سینئت و سونگونون میس معدنلرین‌دن ایستیخراج اولان ماده‌لری ویلایت‌ده ایستحصال تولید اوچون ایستیفاده ائدیلمه‌لی‌دیر. بونا باغلی تولیدی کارگاهلاری ایشه دوشمه‌لی‌دیر کی، ویلایتیمیز خام ماده صادر یئرینه ماده‌لردن حاضیرلانمیش محصوللاری صادر ائتسین. بو مسئله چوخ‌لو ایش یئرلرینین آچیلماسینا سبب اولار. شرقی آذربایجان اوزون مدت آوروپایا قاپی اولدو و ایخراج پوتنسیالینا صاحب‌دیر. بونا گؤره ده بیر اوستان اولاراق دیگر اوستانلارا محصول صادر ائده بیلر. دیگر طرف‌دن ظفران، گؤن آیاق قابی و یئمک ارزاق محصوللاری آذربایجانا صادر اولور. لاکین تولید ائد‌نلر یاخشی قازانج الده ائده بیلمیرلر. سیستئماتیک شکیل‌ده صادر اولون‌سا، تولید ائد‌نلر اوچون یاخشی اولار. بونا گؤره ده بیزیم ایش آداملاریمیز آذربایجانلا موذاکیره ائدیرلر»، – دئیه حبیب امین‌زاده بیلدیریب.