یوخاری

تهران‌دا یاشاییش خرجلری ۵ ایل عرضینده ۲ دفعه باهالاشدی

آنا صحیفه ایقتیصادیات
12 Punto 14 Punto 16 Punto 18 Punto

ایرانین مرکزی ایستاتیستیکا کومیته‌سینین شهرده یاشایان عائله‌لرین گلیرلری و خرجلری باره‌سین‌ده یایدیغی یئنی حسابات گؤستریر کی، تهران‌دا ایللیک یاشاییش خرجلرینین اورتالاماسی ۱۳۹۷-جی ایلده (۲۱ مارت ۲۰۱۸-۲۱ مارت ۲۰۱۹-رئد.) تقریباً ۵۸ میلیون تومن‌دن یوخاری اولوب.

آخار. آذ خبر وئریر کی، بو گؤستریجی ۵ ایل اولله موقاییسه‌ده ۲ دفعه‌دن چوخ آرتیم دئمک‌دیر. بئله کی، ۵ ایل اول (۱۳۹۲-جی ایل) ایللیک یاشاییش خرجلرینین اورتالاماسی تقریباً ۲۸ میلیون تومن تشکیل ائدیردی.

تهران دیگر ویلایتلره نیسبته‌ن گلیرلرین، ائلجه ده یاشاییش خرجلرینین ان یوکسک اولدوغو ویلایت‌دیر. کیرمان ایسه ایللیک یاشاییش خرجلری ۲۴ میلیون تومن جیوارین‌دا اولماقلا، بوتون بؤلگه‌لر ایچریسینده بو ایستیقامت‌ده ان آشاغی گؤستریجه ییه صاحب ویلایت‌دیر.

دیگر طرف‌دن، ایستاتیستیکادا قئید ائدیلیر کی، غربی آذربایجان ایالتین‌ده عائله‌لرین ایللیک گلیر حدی تقریباً ۲۶ میلیون تشکیل ائدیر. بو ایسه بوتون بؤلگه‌لرله موقاییسه‌ده ان آشاغی گؤستریجی‌دیر.

کومیته همچینین بیلدیریر کی، شهرلرده یاشایان عائله‌لرین ۱۳۹۷-جی ایلده خالص خرجلری ۳۹ میلیون تومن‌دن چوخ، گلیرلری ایسه تقریباً ۴۳ میلیون تومن جیوارین‌دا اولوب.

ایستاتیستیکا گؤستریر کی، سون ۵ ایل عرضینده عائله‌لرین خرجلری آرتماق‌دا، قارشیلیغین‌دا ایسه گلیرلری آزالماق‌دادیر.

تاریخ
2019.09.05 / 14:43
مولف
Axar.az
شرح لر
دیگر خبرلر

ایران‌دا ۱ میلیونا یاخین شاگرد تحصیلینی ترک ائدیب

نفت اوجوزلاشدی

ایران ریالی‌ندان نوبتی آنتی‌رکورد

ایران اقتصادیاتینین ریتینقگی آچیقلاندی

ایران تکلیف ائتدی: فارسدیللی اؤلکه‌لر بیرلییی یارادیلسین

ایران و ارمنیستان راضیلاشدی: دوریه ۳ میلیاردا چاتدیریلیر

سانکسیالار ایشه یارامیر، ایران حاصلاتی کسکین آرتیردی

آذربایجانا ۴۲ میلیون دلار کردیت آیریلدی

دنیا بانکی آذربایجان اوچون یول خریطه‌سی حاضرلایاجاق

آذربایجان سعودیه ایله امکداشلیغی گئنیشلندیریر

خبر خطّی
Axar.az'da reklam Bağla
Reklam
Bize yazin Bağla