دونیا بانکی بیلدیریر کی، ایرانین هر بیر وطنداشی کاسیب‌لیق حدین‌دن آشاغی سوییه‌ده یاشایان حساب ائدیلمه‌مک اوچون گونلوک ۵.۵ دلار گلیره مالیک اولمالی‌دیر، هان‌سی کی، حاضردا اؤلکه‌ده آدام باشینا دوشن گلیرلرین اورتالاماسینا اساساً، بو رقم ۳.۲ دلار تشکیل ائدیر.

آخار. آذ خبر وئریر کی، ایران مرکزی ایستاتیستیکا کمیته‌سینین یایدیغی سون حساباتا گؤره، ۱۳۹۷-جی ایلده (۲۱ مارت ۲۰۱۸- ۲۱ مارت ۲۰۱۹) شهرده یاشایان عائله‌لرین ایللیک گلیرلرینین اورتا نیسبتی ۴۳ میلیون ۴۹۰ مین تومن اولوب. کند یئرلرینده ایسه بو رقم ۲۳ میلیون ۳۱۱ مین تومن‌دن عبارت اولوب.

باشقا سؤزله دئسک، ۱۳۹۷-جی ایلده دلارین مزه‌ننه‌سینینین اورتالاماسینی ۱۱ مین تومنله حسابلادیق‌دا، ۱۳۹۷-جی ایل عرضین‌ده شهرده یاشایان عائله‌لرین گونلوک ۱۰.۸، کندده یاشایانلارین ایسه ۵.۸ دلار قازاندیغی معلوم اولور.

بو ایستاتیستیکادا هر شهر عائله‌سینین سایی اورتا حسابلا ۳، کند عائله‌سینین عضولرینین سایی ایسه ۴ نفر گؤستریلیب.

بئله اولدوق‌دا، آیدین گؤرونور کی، شهرده یاشایان عائله‌لرین هر بیر عضوو گونده‌لیک اورتا حسابلا ۳.۲، کندده یاشایانلار ایسه ۱.۷ دلار قازانا بیلیر. خصوصیله، کندلیلرین گونده‌لیک گلیرلری دونیا بانکینین تعیین ائتدیی کسکین کاسیب‌لیق حدین‌دن ده آشاغی حساب ائدیلیر.

بانکین سون حساباتینا گؤره، دونیا اؤلکه‌لری اوزره ان کسکین کاسیب‌لیق حدیندن ده آشاغی یاشایان اینسانلار گون‌ده‌لیک قازانجلاری ۱.۹ دلاردان آز اولان اینسانلار حساب ائدیلیر. قوروم بو ایستاتیستیکانی بیر قروپ ان کاسیب اؤلکه‌نین میللی کاسیب‌لیق حدینه اساساً، ائلجه ده آلیجیلیق قابیلیتینین برابرلیگی و بو اؤلکه‌لرده ضروری محصوللارین قیمتلرینی دلارلا حسابلاماقلا، حاضرلاییب.