ایران ایستاتیستیکا مرکزینین سون حساباتین‌دا، بو ایلین سنتیابر آیین‌دا ائو تصروفاتلاری اوچون ایللیک اینفلیاسییا ۷،۴۲ سوییه‌سین‌ده معین ائدیلیب. بونو نظره آلاراق اینفلیاسییا سوییه‌سی اوولکی آیلا مقاییسه‌ده (آوقوست آیینادک ۱۲ آی) تخمیناً ۰.۵ نیسبتینده آرتیب.

آخار. آذ خبر وئریر کی، مرکز همچینین یایدیغی باشقا بیر حسابات‌دا، بو ایلین یازین‌دا ایرانین شهر یئرلرین‌ده بیر کوادرات مئتر ساحه‌نین اورتا قیمتینین کئچه‌ن ایلین یاز آیلاری ایله مقاییسه‌ده تخمیناً ۱.۵ دفعه آرتدیغینی بیلدیریب.

سنتیابر آیینا قدرکی اون ایکی آیدا ایران‌دا شهر ائو تصروفاتلاری ۹،۴۱ فایز، کند ائو تصروفاتلاری دا عینی دؤورده ۴،۴۷ فایز اینفلیاسییا ایله اوزلشیب.

ایستاتیستیکا مرکزینین معلوماتینا گؤره، بو دؤورده (سنتیابرادک اون ایکی آیدا) قیرمیزی ات، بالیق، توتون کیمی محصوللار، ایله‌نجه و مدنیته آیریلان خرجلر ان چوخ قیمت آرتیمی ایله اوزلشیب.

ان آشاغی قیمت دییشیکلیکلری سو، الکتریک و یاناجاق قیمتلرینه عایید اولوب کی، تخمیناً ۲۲ فایز آرتیملا اوزلشیب.