آمریکانین سانکسییالاری ایرانین خصوصیله نفت تیجارتینه کیفایت قدر جدی ضربه ووروب. طبیعی کی، چینه تطبیق اولونان سانکسییالار حاضیرکی وضعیتی داها دا آغیرلاشدیراجاق.

بو سؤزلری آخار. آذ-آ آچیقلاماسین‌دا اقتصادچی اکسپرت ناطیق جعفرلی آمریکانین ایرانا گؤره چینه قارشی یئنی سانکسییالار تطبیق ائتمه‌سینه مناسیبت بیلدیررکن دئییب. او قئگید ائدیب کی، چین سانکسییالارا محل قویمادان نفت آلیشینا داوام ائد‌جکسه، بو آیری بیر کونفیقوراسییا یاراداجاق:

«سانکسییالاردان اؤنجه تهران گون عرضین‌ده خاریجی بازارلارا ۱.۸-۱.۹ بارل نفت ساتیردیسا، سانکسییالار تطبیق ائدیلدیکدن سونرا ۷۰۰-۸۰۰ مین بارله دوشوب. ایران بو نفتین بؤیوک حیصه‌سینی چینه ساتیر.

پکین سانکسییالارا محل قویمادان تهران‌دان نفت آلیشینا داوام ائد‌جکسه، بو آیری بیر کونفیقوراسییا یاراداجاق. چین طرفین‌دن بئله بیر آددیمین آتیلماسی دا کیفایت قدر یوکسکدیر. چونکی ایران چینه نفتی چوخ صرفه‌لی قیمت و شرطلرله ساتیر. بونا گؤره چین امکداشلیغین داوام ائتمه‌سینده کیفایت قدر ماراقلی‌دیر».

اقتصادچی بیلدیریب کی، چین آمریکانین سانکسییالارینا جواب اولاراق، ایران‌دان داها چوخ نفت آلیشینا باشلایا بیلر:

«چونکی آمریکا و چین آراسین‌دا حاضردا تیجارت دانیشیقلاری گئدیر و راضیلیغا گله بیلمیرلر. دوشونوره‌م کی، چین نفت آلیشینی آرتیریب، آمریکا ایله دانیشیقلاردا اوستونلوک قازانماغا چالیشاجاق. یعنی ایران‌دان نفت آلماغی بیردن-بیره دایاندیرماق اوزینه آمریکا ایله تیجارت دانیشیقلارین‌دا گذشت الده ائتمک ایمکانینی دیرلندیره بیلر.

عمومیتله، چین ماراق‌لی و دوشونولموش خاریجی سیاست آپاران اؤلکه‌دیر و بو باخیمیندان دوشونوره‌م کی، بو وضعیت‌دن ده اؤز خئیرینه ایستیفاده ائتمه‌یه چالیشاجاق».

جعفرلی بیلدیریب کی، اگر چین ایران‌دان نفت آلماغی دایاندیرارسا، اقتصادی باخیم‌دان چوخ آغیر شرایط‌ده اولان تهرانا آغیر ضربه دیر:

«چونکی ایران اقتصادیاتینی آیاق‌دا توتان اساس گلیر منبعی چینه ساتیلان نفتین پایینا دوشور. اگر چین ده آلیشی دایاندیرارسا، گئرییه ساده‌جه روسییا بازاری قالیر. روسییا اؤزو بو یاخینلاردا ایرانا تکلیف ائتمیشدی کی، اگر بوتون یوللار قاپانسا، تهران‌دان اوجوز قیمته نفت آلا بیلر. آنجاق بونون اوچون ده اینفراستروکتور قورولمالیدیر. حتی بو دا ایرانین اقتصادی دورومونا جدی تأثیر ائتمه‌یه‌جک. چونکی قیمتلر چوخ آشاغی اولاجاق. بونا گؤره ده گؤرونور کی، ایرانین وضعیتی بون‌دان سونرا داها دا آغیرلاشا بیلر. حساب ائدیره‌م کی، ایران بعضی مسئله‌لرده موطلق شکیل‌ده گئری آددیم آتمالی‌دیر».

قید ائدک کی، آمریکا دؤولت کاتیبی مایک پومپئو چینه قارشی سانکسییالاری آرتیراجاقلاری ایله باغلی بیانات وئریب. اونون سؤزلرینه گؤره، سانکسییالارین تطبیقینه سبب چینین ایرانا قارشی تدبیرلره باخمایاراق، بو اؤلکه‌دن نفت ایدخال ائتمه‌سی‌دیر.