«ایران پرزیدنتی چالیشیر کی، آذربایجانلا اقتصادی علاقه‌لریمیزی مدنی و سیاسی علاقه‌لرین سوییه‌سینه چاتدیرسین».

آخار. آذ خبر وئریر کی، بونو آپا-یا اکسکلوزیو آچیقلاماسین‌دا ایرانین حکومت سؤزچوسو علی ربیعی دئییب.

ربیعی دئییب کی، ایران و آذربایجان آراسین‌دا تاریخی باغلار، مدنیت، دین، مذهب و مشترک دیل فاکتورلاری سبب اولوب کی، ایکی قونشو و قارداش اؤلکه‌نین مناسیبتلری قارشی‌لیقلی حرمت اساسین‌دا قورولسون: «بؤلگه‌ده‌کی مناقیشه‌لرین حلی و سابیتلیین گوجله‌نمه‌سی اوچون رسمی باکی و تهرانین جدی ایراده‌سی ده ایکی طرف‌لی سینرگییا و یاخینلاشمانی گوجلندیریب.

ایکی اؤلکه آراسین‌دا اقتصادی علاقه‌لرینین نظره چارپاجاق درجه‌ده آرتدیغینی دئیه‌ن ا. ربیی بیلدیریب کی، ۲۰۱۸-جی ایلده ایکی اؤلکه‌نین تیجارت حجمی ۴۰ فایز آرتیب. ۲۰۱۹-جو ایلین ایلک ۶ آیین‌دا ایکی اؤلکه آراسین‌دا تیجارت دؤورییه‌سی اؤتن ایلله مقاییسه‌ده ۲، ۲ دفعه آرتیب.

او قید ائدیب کی، هر ایکی اؤلکه‌نین پرزیدنتلری اؤلکه‌لریمیز آراسینداکی اقتصادی پوتنسیالین داها چوخ اولدوغونو وورغولاییب: «آستارا دمیر یولونون بیرلشدیریلمه‌سی اقتصادی علاقه‌لرین اینکیشافینا تکان وئره‌جک و موناسیبتلری داها دا یاخینلاشدیراجاق».