سون آچیقلامالارا اساساً آذربایجانلا ایران آراسین‌دا تیجارت دؤورییه‌سی ۷۴% آرتیب.

بو باره‌ده آذربایجانین ایران‌داکی سفیری بنیاد حسینوو تبریزین تیجارت پالاتاسینین رهبری یونیس ژاله ایله گؤروشون‌ده بیلدیریب.

اونون سؤزلرینه اساساً، اؤتن ایل ایکی اؤلکه آراسین‌دا تیجارت ۷۴% آرتیب، لاکین هر ایکی اؤلکه‌نین ایشگذار و اقتصادی نماینده‌لری آراسین‌دا امکداشلیغی گئنیشلندیرمک اوچون هله ده پوتنسیال مؤوجوددور. دیپلمات، همچینین سون ایللرده ایکی اؤلکه پرزیدنتلرینین ایکیطرف‌لی مناسیبتلری محکه‌ملندیرمک اوچون ۱۲ دفعه گؤروشدویونو خاطیرلادیب.

سفیر علاقه‌لرین گئنیشلندیریلمه‌سی اوچون هر ایکی طرفین تأثیرلی آددیملار آتدیغینی، ایران و آذربایجانین مناسیبتلرین اینکیشافی اوچون اؤزل سئکتورون ایمکانلارین‌دان ایستیفاده ائتمه‌لی اولدوغونو دقته چاتدیردی. حسینوو نقلیات سکتورونون ایخراجین اینکیشافین‌دا ان واجیب عامل اولدوغونو وورغولادی. او علاوه ائدیب کی، آذربایجان و ایرانین ترانزیت ساحه‌سین‌ده امکداش‌لیغی ایکی اؤلکه‌نین ایخراج ایمکانلارینین گئنیشله‌نمه‌سینه اؤز تؤهفه‌سینی وئره‌جک.

آذربایجان سفیری، عینی زامان‌دا، باکی ایله تهران آراسین‌دا مشترک دمیر یولونون ایستیفاده‌یه وئریلمه‌سی اوچون جدی امکداشلیق ائتدیینی آچیقلادی و علاوه ائتدی کی، هر ایکی اؤلکه‌نین بو سئکتورونا یاخشی اینوستیسییا قویولوشو بین الخالق بازارلارا چیخیش باخیمین‌دان تأثیرلی اولا بیلر.

حسینوو آذربایجان ایله ایران آراسین‌دا ۱۶۰ امکداشلیق مموراندومو ایمضالاندیغینی دا قید ائدیب.